ലോകത്ത് ജനസംഖ്യയുടെ ഏതാണ്ട് 128 കോടിയിലധികം ആളുകൾ നേരിടുന്ന ഒരു ആരോഗ്യ പ്രശ്‌നമാണ് ഉയർന്ന രക്തസമ്മർദം.ഉയർന്ന രക്തസമ്മർദം ഒരു ആഗോള ആരോഗ്യ പ്രശ്നമായി മാറിക്കൊണ്ടിരിക്കുകയാണ്. രക്തസമ്മർദ്ദം നിയന്ത്രിക്കാൻ പലരും മരുന്നുകളെയാണ് ആശ്രയിക്കാറുള്ളത്. എന്നാൽ മരുന്നുകളോടൊപ്പം ജീവിതശൈലിയിലെ മാറ്റങ്ങളും രക്തസമ്മർദ്ദം കുറയ്‌ക്കാൻ സഹായകമായേക്കും. സോഡിയം കുറവുള്ള ഹൃദയാരോഗ്യകരമായ ഭക്ഷണക്രമം, പതിവ് ശാരീരിക പ്രവർത്തനങ്ങൾ, ശരീരഭാരം കുറയ്‌ക്കൽ, പുകവലി ഉപേക്ഷിക്കൽ, മറ്റ് മാറ്റങ്ങൾ എന്നിവ ഗുണം ചെയ്യും. രക്തസമ്മർദ്ദം കുറയ്‌ക്കാനായി ആഹാരക്രമത്തിൽ ഉൾപ്പെടുത്തേണ്ട ചില ഭക്ഷണ സാധനങ്ങളെ പരിചയപ്പെട്ടാലോ.
ഏലയ്‌ക്കയിൽ ധാരാളം ആന്റിഓക്‌സിഡന്റുകൾ അടങ്ങിയിട്ടുണ്ട്. ഇത് രക്തസമ്മർദ്ദം കുറയ്‌ക്കാനും ഹൃദയാരോഗ്യം മെച്ചപ്പെടുത്താനും സഹായിക്കുന്നു. ചായ, സൂപ്പ്, പലഹാരങ്ങൾ എന്നിവയിലൊക്കെ ചേർത്ത് ഏലയ്‌ക്ക കഴിക്കാവുന്നതാണ്.
മഞ്ഞളിൽ കുർകുമിൻ അടങ്ങിയിട്ടുണ്ട്. ഇതിലുള്ള ആന്റിഇൻഫ്ലമേറ്ററി, ആന്റിഓക്സിഡന്റ് ഗുണങ്ങൾ ഹൃദയാരോഗ്യം മെച്ചപ്പെടുത്തുകയും രക്തസമ്മർദ്ദം കുറയ്‌ക്കാനും സഹായിക്കുന്നു.
ബേസിലിൽ യൂജിനോൾ അടങ്ങിയിട്ടുണ്ട്. ഇത് രക്തക്കുഴലുകളെ പിന്തുണയ്‌ക്കുകയും രക്തസമ്മർദ്ദം കുറയ്‌ക്കാനും സഹായിക്കുന്നു. സാലഡ്, സാൻഡ്‌വിച്ച് എന്നിവയിൽ ചേർത്ത് ഇത് കഴിക്കാവുന്നതാണ്.
രക്തത്തിലെ പഞ്ചസാരയുടെ അളവ് കുറയ്‌ക്കാനും രക്തസമ്മർദ്ധം നിയന്ത്രിക്കാനും ഭക്ഷണത്തിൽ കറുവപ്പട്ട ചേർത്ത് കഴിക്കുന്നത് നല്ലതാണ്. ഇത് ചായയിലിട്ടും കുടിക്കാൻ സാധിക്കും. ഇത് കൊളെസ്റ്ററോൾ ഇല്ലാതാക്കാനും സഹായിക്കുന്നു.
രക്തയോട്ടം മെച്ചപ്പെടുത്താനും രക്തസമ്മർദ്ദം കുറയ്‌ക്കാനും ഇഞ്ചി കഴിക്കുന്നത് നല്ലതാണ്. കേടുവരാത്ത ഇഞ്ചി ചായയിൽ പോടിച്ചോ കറിയിൽ ചേർത്തോ കഴിക്കാവുന്നതാണ്.
വെളുത്തുള്ളിയിൽ അല്ലിസിൻ അടങ്ങിയിട്ടുണ്ട്. ഇത് രക്തക്കുഴലുകളെ പിന്തുണയ്‌ക്കുകയും അതിലൂടെ രക്തസമ്മർദ്ദം കുറയ്‌ക്കാനും സഹായിക്കുന്നു. സൂപ്പ്, സാലഡ് എന്നിവയിൽ ചേർത്ത് കഴിക്കുന്നതാണ് ഉചിതം.
