കൊച്ചി: എഫ്സിആര്എ ചട്ടങ്ങളില് കേന്ദ്രസര്ക്കാര് വരുത്തിയ ഭേദഗതികളില്, വിദേശ ധനസഹായത്തിന്റെ ദുരുപയോഗം തടയുക, ധനവിനിയോഗത്തില് സുതാര്യതയും കൃത്യതയും ഉറപ്പാക്കുക എന്നീ ലക്ഷ്യങ്ങളെ പൂര്ണമായി മാനിക്കുകയും പിന്തുണയ്ക്കുകയും ചെയ്യുന്നുവെന്ന് കെസിബിസി. കത്തോലിക്കാസഭയുടെ സ്ഥാപനങ്ങളും പ്രസ്ഥാനങ്ങളും രാജ്യത്തിന്റെ നിയമങ്ങള്ക്ക് വിധേയമായി രാഷ്ട്ര പുനര്നിര്മിതിക്കും സാമൂഹിക നന്മയ്ക്കുമായി തുടര്ന്നും പ്രവര്ത്തിക്കാന് പ്രതിജ്ഞാബദ്ധമാണ്.
സാധാരണക്കാരുടെ ക്ഷേമത്തിനും അഭിവൃദ്ധിക്കും വേണ്ടി വിവിധ തലത്തില് പ്രവര്ത്തിക്കുന്ന രാജ്യത്തെ ആയിരക്കണക്കിന് സ്ഥാപനങ്ങളും സന്നദ്ധ സംഘടനകളും എഫ്സിആര്എ രജിസ്ട്രേഷന് ഉള്ളവയാണ്. നിലവില് കൊണ്ടുവന്നിട്ടുള്ള ചട്ടഭേദഗതികള് അനേകം സന്നദ്ധ സംഘടനകളുടെ ഭാവി അസ്ഥിരമാക്കുമെന്ന് ഭയപ്പെടുന്നു. അതോ ടൊപ്പം, ഭരണഘടന ഉറപ്പ് നല്കുന്ന മതസ്വാതന്ത്ര്യത്തിനും അഭിപ്രായ സ്വാതന്ത്ര്യത്തിനും ഭീഷണിയാകുന്ന തരത്തില് ഉള്പ്പെടുത്തപ്പെട്ടിട്ടുള്ള ചട്ടഭേദഗതികളും ആശങ്കയുളവാക്കുന്നതാണ്. സംഘടനകള്ക്കും സ്ഥാപനങ്ങള്ക്കും പ്രവര്ത്തനങ്ങള് തുടരാന് തടസമുണ്ടാകാത്ത വിധത്തില് ചട്ടങ്ങളില് ആവശ്യമായ മാറ്റങ്ങള് വരുത്താന് കേന്ദ്രസര്ക്കാരുമായി ചര്ച്ച തുടരുമെന്ന് കെസിബിസി പ്രസിഡന്റ് ആര്ച്ച് ബിഷപ്പ് വര്ഗീസ് ചക്കാലക്കല് പറഞ്ഞു.
