തിരുവനന്തപുരം:സെന്സര് ചെയ്യാത്ത സിനിമ പ്രദര്ശിപ്പിച്ചെന്ന സെന്സര് ബോര്ഡിന്റെ പരാതിയില് നിര്മ്മാതാവിനെ പൊലീസ് ചോദ്യം ചെയ്തു.മോളിവുഡ് ടൈംസ് എന്ന സിനിമയുടെ നിര്മ്മാതാവ് ആഷിക്ക് ഉസ്മാനെയാണ് തിരുവല്ലം പൊലീസ് ചോദ്യം ചെയ്തത്.
സെന്സര് ബോര്ഡിന്റെ പരാതിയില് പൊലീസ് കേസെടുത്തിരുന്നു. സെന്സര് ബോര്ഡ് ഒഴിവാക്കിയ ഭാഗങ്ങള് ഉള്പ്പെടുത്തിയാണ് സിനിമ പ്രദര്ശിപ്പിച്ചതെന്ന് പൊലീസ് അന്വേഷണത്തില് കണ്ടെത്തിയിരുന്നു.തുടര്ന്നാണ് അണിയറ പ്രവര്ത്തകരോട് ഹാജരാകാന് ആവശ്യപ്പെട്ടത്. ആഷിക്ക് ഉസ്മാന് നോട്ടീസ് നല്കി വിട്ടയച്ചു. സംവിധായകനെയും വിതരണക്കാരെയും വൈകാതെ ചോദ്യം ചെയ്യും.
യുവനടന് നസ്ലിന് നായകനായ സിനിമയാണ് മോളിവുഡ് ടൈംസ്. സെന്സര് ബോര്ഡ് ഒഴിവാക്കിയ സംഭാഷണവും ദൃശ്യങ്ങളും ചേര്ത്ത് തിയേറ്ററില് സിനിമ പ്രദര്ശിപ്പിച്ചതിന് പൊലീസിന് തെളിവ് ലഭിച്ചിരുന്നു.
അഭിനവ് സുന്ദര് സംവിധാനം ചെയ്ത മോളിവുഡ് ടൈംസ് എന്ന സിനിമ ജൂണ് അഞ്ചിനാണ് തിയറ്ററുകളിലെത്തിയത്. തിയേറ്ററുകളില് പ്രദര്ശിപ്പിച്ച സിനിമയില് അശ്ലീല സംഭഷണങ്ങളും ചില ദൃശ്യങ്ങളുമുണ്ടെന്ന പരാതി സെന്സര്ബോര്ഡിന് ലഭിച്ചത് പ്രകാരം ബോര്ഡിലെ ഉദ്യോഗസ്ഥരുടെ പരിശോധനയിലും ഇത് വാസ്തവമാണെന്ന് വ്യക്തമായിരുന്നു.തുടര്ന്നാണ് തിരുവനന്തപുരം സിറ്റി പൊലിസ് കമ്മീഷണര് അരുണ് ആര്. ബി.കൃഷ്ണക്ക് പരാതി നല്കിയത്.
