അഡ്മിഷന് എന്സിവിടി/എസ്സിവിടി അഫിലിയേറ്റഡ് ട്രേഡുകളില് വിശദവിവരങ്ങള് https://itiadmissions.kerala.gov.in ല്
അപേക്ഷാ ഫീസ് 100 രൂപ, ഓണ്ലൈനില് അപേക്ഷിക്കാം
സംസ്ഥാനത്തെ സര്ക്കാര് ഐടിഐകളില് വിവിധ ട്രേഡുകളില് പ്രവേശനത്തിന് ജൂണ് 30 വരെ ഓണ്ലൈനില് അപേക്ഷ സ്വീകരിക്കും. കേരളത്തില് സ്ഥിരതാമസമുള്ളവര്ക്കാണ് പ്രവേശനം. 108 സര്ക്കാര് ഐടിഐകളാണുള്ളത്. എന്സിവിടി/എസ്സിവിടി അഫിലിയേറ്റഡ് ട്രേഡുകളില് പ്രവേശനം തേടാം.
എസ്എസ്എല്സി/തത്തുല്യ പരീക്ഷ പാസായവര്ക്കും തോറ്റവര്ക്കും തെരഞ്ഞെടുത്ത് പഠിക്കാവുന്ന ഏകവത്സര/ദ്വിവത്സര എന്ജിനീയറിങ്/നോണ് എന്ജിനീയറിങ് ട്രേഡുകളുണ്ട്. പ്രായം 14 വയസ് തികഞ്ഞിരിക്കണം. ഉയര്ന്ന പ്രായപരിധിയില്ല.
സര്ക്കാര് ഐടിഐകളും ട്രേഡുകളും പരിശീലന കാലയളവും പ്രവേശന നടപടികളും അടങ്ങിയ 2026-27 ലെ പ്രോസ്പെക്ടസ് https://itiadmissions.kerala.gov.in ല് നിന്നും ഡൗണ്ലോഡ് ചെയ്യാം. എന്സിവിടി/എസ്സിവിടി അംഗീകാരമുള്ള മെട്രിക്/നോണ് മെട്രിക് ട്രേഡുകളും പ്രവേശനം നല്കുന്ന യൂണിറ്റുകളും ജില്ലാതല സര്ക്കാര് ഐടിഐകളും പ്രോ
സ്പെക്ടസില് പ്രത്യേകം പട്ടികയിലുണ്ട്.
ട്രേഡുകള്: ദേശീയ അംഗീകാരമുള്ള എന്സിവിടി മെട്രിക് ട്രേഡുകളില് ഡ്രാഫ്റ്റ്സ്മാന് (സിവില് ആന്റ് മെക്കാനിക്കല്), മെക്കാനിക് ഡീസല്, ഫിറ്റര്, ടര്ണര്, ഇലക്ട്രീഷ്യന്, മെഷ്യനിസ്റ്റ്, ഇലക്ട്രോണിക്സ് മെക്കാനിക്, റെഫ്രിജറേഷന് ആന്റ് എയര് കണ്ടീഷനിങ്, കമ്പ്യൂട്ടര് ഓപ്പറേറ്റര് ആന്റ് പ്രോഗ്രാമിങ് അസിസ്റ്റന്റ്, മെക്കാനിക് മോട്ടോര് വെഹിക്കിള്, സര്വ്വേയര്, ടൂള് ആന്റ് ഡൈമേക്കര് (ഡൈസ് ആന്റ് മോള്ഡ്സ്), കമ്പ്യൂട്ടര് ഹാര്ഡ്വെയര് ആന്റ് നെറ്റ്വര്ക്ക് മെയിന്റനന്സ്, മെക്കാനിക് (കണ്സ്യൂമര് ഇലക്ട്രോണിക്സ് അപ്ലയന്സസ്), സ്റ്റെനോഗ്രാഫര്, ഡിടിപി ഓപ്പറേറ്റര്, സെക്രട്ടേറിയല് അസിസ്റ്റന്റ് (ഇംഗ്ലീഷ്) മുതലായവയിലും നോണ് മെട്രിക് വിഭാഗത്തില് ഷീറ്റ് മെറ്റല് വര്ക്കര്, വെല്ഡര്, വയര്മാന്, പ്ലംബര്, വുഡ് ആന്റ് ടെക്നീഷ്യന് (കാര്പ്പന്റര്), പെയിന്റര് ജനറല്, ഡ്രസ് മേക്കിങ് മുതലായ ട്രേഡുകളിലുമാണ് പരിശീലനം.
വനിതകള്ക്ക് തെരഞ്ഞെടുത്ത് പഠിക്കാവുന്ന ഹോസ്പിറ്റല് ഹൗസ്കീപ്പിങ്, ഫ്രണ്ട് ഓഫീസ് അസിസ്റ്റന്റ്, ഫുഡ് പ്രൊഡക്ഷന് (ജനറല്), മില്ക്ക് ആന്റ് മില്ക്ക് പ്രോഡക്ട്സ് ടെക്നീഷ്യന്, അഗ്രോ പ്രോസസിങ്, ബേക്കര് ആന്റ് കണ്ഫെക്ഷണര്, ഇന്റീരിയര് ഡിസൈന് ആന്റ് ഡെക്കറേഷന്, ഫാഷന് ഡിസൈന് ആന്റ് ടെക്നോളജി മുതലായ മെട്രിക് ട്രേഡുകളുമുണ്ട്.
തെരഞ്ഞെടുപ്പ്: മെട്രിക്/നോണ് മെട്രിക് ട്രേഡുകളില് പ്രവേശനത്തിന് എസ്എസ്എല്സി/തത്തുല്യ പരീക്ഷയില് ഇംഗ്ലീഷ്, കണക്ക്, ഫിസിക്സ്, കെമിസ്ട്രി വിഷയങ്ങള്ക്ക് ലഭിച്ച മാര്ക്കിന്റെ അടിസ്ഥാനത്തില് മെരിറ്റ് ലിസ്റ്റ് തയ്യാറാക്കിയാണ് അഡ്മിഷന്. ഉയര്ന്ന വിദ്യാഭ്യാസ യോഗ്യതകള് ഉള്ളവര്ക്കും യുവജനോത്സവങ്ങളില് ഒന്നും രണ്ടും സ്ഥാനങ്ങള് നേടിയവര്ക്കും എന്സിഇ എ/ബി/സി സര്ട്ടിഫിക്കറ്റുള്ളവര്ക്കും എന്എസ്എസ് സര്ട്ടിഫിക്കറ്റുകള്ക്കും തെരഞ്ഞെടുപ്പില് ഗ്രേസ്മാര്ക്ക് ലഭിക്കും.
അപേക്ഷാ ഫീസ്: 100 രൂപ. പ്രോസ്പെക്ടസിലെ നിര്ദ്ദേശങ്ങള് പാലിച്ച് ഓണ്ലൈനില് ജൂണ് 30 നകം രജിസ്റ്റര് ചെയ്ത് അപേക്ഷിക്കേണ്ടതാണ്. രജിസ്ട്രേഷന് ഉപയോഗിക്കുന്ന മൊബൈല് നമ്പരും ഇ- മെയിലും അവരവരുടേതാണെന്നും പ്രവര്ത്തനക്ഷമമാണെന്നും ഉറപ്പുവരുത്തണം. രജിസ്റ്റര് ചെയ്യുമ്പോള് എസ്എംഎസ് മുഖേന ലഭ്യമാകുന്ന യൂസര് നെയിം, പാസ്വേര്ഡ് ഉപയോഗിച്ചാണ് അപേക്ഷ നല്കേണ്ടത്. കൃത്യമായ വിവരങ്ങള് നല്കി ആവശ്യമായ രേഖകള് അപ്ലോഡ് ചെയ്യണം. 100 രൂപ ഫീസ് അടച്ച് നടപടിക്രമം പൂര്ത്തിയാക്കി അപേക്ഷയുടെ പ്രിന്റ് എടുത്ത് അസല് സര്ട്ടിഫിക്കറ്റുകള് സഹിതം അടുത്തുള്ള സര്ക്കാര് ഐടിെഎയില് നേരിട്ട് ഹാജരായി പരിശോധനക്കായി നല്കണം. പ്രവേശനമാഗ്രഹിക്കുന്ന ഓരോ ഐടിഐയിലെയും ട്രേഡുകള് മുന്ഗണനാക്രമത്തില് ക്രമീകരിക്കുന്നതിന് അഡ്മിഷന് പോര്ട്ടലില് സൗകര്യമുണ്ട്. അപേക്ഷാ സമര്പ്പണത്തിന് ഐടിഐകളിലെ ഹെല്പ്പ് ഡെസ്ക്കിന്റെ സഹായം തേടാം.
