ന്യൂദല്ഹി: ഗതാഗത മന്ത്രി സി പി ജോണ് കേന്ദ്ര ഉപരിതല ഗതാഗത മന്ത്രി നിതിന് ഗഡ്കരിയെ സന്ദര്ശിച്ചു.കെഎസ്ആര്ടിസി ബസ് നവീകരണം,വായു മലിനീകരണ നിയന്ത്രണ കേന്ദ്രം, ഇ-ചലാന് സംയോജനം തുടങ്ങിയവ ചര്ച്ച ചെയ്തു.
നിതിന് ഗഡ്കരിയില് നിന്ന് അനുകൂല പ്രതികരണമാണ് ലഭിച്ചതെന്ന് സി പി ജോണ് പറഞ്ഞു. പൊതുഗതാഗതം ശക്തിപ്പെടുത്തുന്നതിനുള്ള നിര്ദ്ദേശങ്ങള് സംസ്ഥാന സര്ക്കാര് മുന്നോട്ടുവച്ചു. വാഹന് സാരഥി സേവനകളെ ആവര്ത്തിച്ചു ബാധിക്കുന്ന പ്രവര്ത്തന തടസങ്ങള് കേന്ദ്രമന്ത്രി ഗൗരവപൂര്വം പരിഗണിച്ചു.പരിഹാര നടപടികള് ഒരാഴ്ചയ്ക്കകം പൂര്ത്തിയാക്കാന് എന്ഐസിക്ക് നിതിന് ഗഡ്കരി നിര്ദ്ദേശം നല്കിയെന്നും അദ്ദേഹം അറിയിച്ചു.
18 വയസിന് മുകളില് ഉള്ളവര് ഡ്രൈവിംഗ് അറിയണമെന്നും സി പി ജോണ് പറഞ്ഞു. തനിക്ക് ഡ്രൈവിംഗ് അറിയില്ല. അതുകൊണ്ടുതന്നെ ഡ്രൈവിംഗിന്റെ സാങ്കേതികത്വത്തിലേക്ക് പോകുന്നില്ല. റോഡ് സേഫ്റ്റിയും ഡ്രൈവിംഗും കരിക്കുലത്തില് ഉള്പ്പെടുത്തണം എന്നത് ആണ് ആഗ്രഹം. കെടിഡിഎഫ്സിയെ മികച്ച ബാങ്കിതര ധനകാര്യ സ്ഥാപനമാക്കി മാറ്റും. റോഡ് സേഫ്റ്റി ക്യാമ്പയിന് ആരംഭിക്കുമെന്നും അദ്ദേഹം പറഞ്ഞു.
