മുംബൈ : നവി മുംബൈയിൽ നിന്ന് അബുദാബിയിലേക്കും, തിരികെയും നേരിട്ടുള്ള വിമാനസർവീസ് ഉടൻ ആരംഭിക്കുമെന്ന് എയർ ഇന്ത്യ എക്സ്പ്രസ്സ് അറിയിച്ചു. പ്രാദേശിക മാധ്യമങ്ങളാണ് ഇക്കാര്യം അറിയിച്ചത്.
നവി മുബൈ ഇൻ്റർനാഷണൽ എയർപോർട്ടിൽ നിന്ന് അബുദാബിയിലേക്ക് നേരിട്ട് ഫ്ലൈറ്റുകൾ നടത്തുന്ന രീതിയിലാണ് ഈ സർവീസ്. 2026 ജൂലൈ 15 മുതൽ ഈ സർവീസുകൾ ആരംഭിക്കുമെന്നാണ് എയർ ഇന്ത്യ എക്സ്പ്രസ്സ് അറിയിച്ചിരിക്കുന്നത്.
ആദ്യ ഘട്ടത്തിൽ ബുധൻ, വെള്ളി ദിനങ്ങളിൽ ആഴ്ചയിൽ രണ്ടുതവണ എന്ന രീതിയിലായിരിക്കും ഈ സർവീസ് നടത്തുക. തുടർന്ന് ജൂലൈ 29 മുതൽ ബുധൻ, വെള്ളി, ഞായർ ദിനങ്ങളിൽ ആഴ്ചയിൽ മൂന്ന് വിമാനങ്ങൾ എന്ന രീതിയിൽ ഈ സർവീസുകൾ വർദ്ധിക്കുന്നു.
