കൊച്ചി :അമ്മ പൊതുയോഗത്തില് തര്ക്കം രൂക്ഷം. വാര്ഷിക റിപ്പോര്ട്ട് പാസാക്കാനായില്ല. സിദ്ദിഖ്, ബാബുരാജ്, ഇടവേള ബാബു എന്നിവര് വാര്ഷിക റിപ്പോര്ട്ട് പാസാക്കാന് സമ്മതിച്ചില്ല. കണക്കുകള് തെറ്റാണെന്നും റിപ്പോര്ട്ട് പാസാക്കാന് സാധിക്കില്ല എന്ന് രഞ്ജി പണിക്കരും പറഞ്ഞു. 45 ദിവസം സമയം തരണം പ്രസിഡന്റ് ശ്വേത മേനോന് ആവശ്യപ്പെട്ടു.
മോഹന്ലാല് നിലപാട് സ്വീകരിക്കണം എന്ന് ഗണേഷ് കുമാര് ആവശ്യപ്പെട്ടതിനെ തുടര്ന്ന് യോഗത്തില് വൈകാരികമായി മോഹന്ലാല് സംസാരിച്ചു. സംഘടനയെ ഒരു തരത്തിലും തകര്ക്കാന് ആര്ക്കും കഴിയില്ല എന്ന് മോഹന്ലാല് പറഞ്ഞു.
അമ്മ നേതൃത്വം സംഘടനയ്ക്ക് അവമതിപ്പുണ്ടാക്കിയതിനാല് പുതിയ നേതൃത്വം വരണമെന്ന് ഒരു വിഭാഗം അംഗങ്ങള് ആവശ്യപ്പെട്ടു. തെറ്റുകള്ക്ക് നിരുപാധികം മാപ്പ് പറയണെന്നും ആവശ്യമുയര്ന്നു. എക്സിക്യൂട്ടീവ് അംഗങ്ങളുടെ തര്ക്കം പറഞ്ഞു തീര്ക്കാനായില്ല. അവിശ്വാസ പ്രമേയം ഇന്നത്തെ പൊതുയോഗത്തില് ഉന്നയിക്കുന്നതിനായി ഒരു വിഭാഗം ഒപ്പ് ശേഖരണം നടത്തി.
അതേസമയം, നിലവിലുള്ള വനിതാ നേതൃത്വത്തെ മാറ്റിയാല് സംഘടനക്ക് തന്നെയാണ് അവമതിപ്പ് എന്ന വിലയിരുത്തലിലാണ് മുതിര്ന്ന താരങ്ങള്. അന്സിബ ഹസനെതിരായ നടപടി പൊതുയോഗം തീരുമാനിക്കട്ടെ എന്നാണ് എക്സിക്യൂട്ടീവ് കമ്മിറ്റിയുടെ നിലപാട്.
അമ്മയില് നീതി നിഷേധമെന്ന് ആരോപിച്ച് ട്രഷറര് ഉണ്ണിശിവപാല് സംഘടനയുടെ വാട്സ്ആപ്പ് ഗ്രൂപ്പില് വിഡിയോ സന്ദേശമയക്കുകയുണ്ടായി.ഓഫീസ് സ്റ്റാഫിന്റെ പരാതിയില് തന്നെ കേട്ടില്ലെന്നും തന്നെ നിര്ബന്ധിത അവധിയില് അയച്ചെന്നും ഉണ്ണിപാല് പറഞ്ഞു. പൊതുയോഗത്തില് എല്ലാം തുറന്നുപറയുമെന്നും ഉണ്ണി ശിവപാല് പറഞ്ഞു. ആദ്യമായി അമ്മയില് ഒരു പാനലിലും നില്ക്കാതെ മത്സരിച്ചിട്ടുള്ള ആളാണ് താന്. തോറ്റാലും ജയിച്ചാലും അമ്മ എന്ന സംഘടനയ്ക്ക് വേണ്ടി പ്രവര്ത്തിച്ചയാളാണ് താനെന്നും സത്യസന്ധതയ്ക്കും നീതിയ്ക്കും വിലയുണ്ടോ എന്ന് നമുക്ക് നോക്കാമെന്നും അതിന് ശേഷം ചില കാര്യങ്ങള് തനിക്ക് പറഞ്ഞെ മതിയാകൂ എന്നും ഉണ്ണി ശിവപാല് വാട്സാപ്പ് വീഡിയോയില് പറഞ്ഞു.
