ജെനീവ : ഇറാനും യുഎസും തമ്മിലുള്ള സംഘർഷങ്ങൾ തുടരുന്നതിനിടെ ഈ വിഷയവുമായി ബന്ധപ്പെട്ട അടുത്ത സമാധാന യോഗം ഇനി സ്വിറ്റ്സർലൻഡിൽ നടക്കും. യുഎസ് ഭാഗത്ത് നിന്നും ജാരെഡ് കുഷ്നറും സ്റ്റീവ് വിറ്റ്കോഫും ഇതിനകം സ്വിറ്റ്സർലൻഡിലാണ്. ഇറാനിൽ നിന്നുള്ള ഒരു കൂട്ടം നേതാക്കളും സ്വിറ്റ്സർലൻഡിലേക്ക് പോയിട്ടുണ്ട്. യുദ്ധവുമായി ബന്ധപ്പെട്ട ഒരു ഇടക്കാല കരാറിൽ അമേരിക്കയുമായി ചർച്ച നടത്തുന്നതിനായി ഒരു സംഘം സ്വിറ്റ്സർലൻഡിലേക്ക് പോകുകയാണെന്ന് ഇറാൻ സ്റ്റേറ്റ് ടെലിവിഷൻ അറിയിച്ചു. ഈ സംഭവങ്ങൾക്കിടയിൽ പാകിസ്ഥാൻ ആഭ്യന്തര മന്ത്രി മൊഹ്സിൻ നഖ്വി ഇറാനിലെത്തി.
ഇറാനും യുഎസും തമ്മിലുള്ള വെടിനിർത്തൽ സംബന്ധിച്ച് ഇറാനും യുഎസും തമ്മിലുള്ള ഇടക്കാല കരാറിനെക്കുറിച്ചുള്ള സാങ്കേതിക തല ചർച്ചകൾ ഇന്ന് സ്വിറ്റ്സർലൻഡിലെ ബർഗൻസ്റ്റോക്കിൽ ആരംഭിക്കുമെന്ന് പാകിസ്ഥാൻ പറയുന്നു. അതിൽ ഖത്തറി മധ്യസ്ഥരും ഉൾപ്പെടും.
ഇതിനിടയിൽ പാകിസ്ഥാൻ ആഭ്യന്തര മന്ത്രി മൊഹ്സിൻ നഖ്വി ശനിയാഴ്ച ഇറാനിൽ എത്തിയത്. നഖ്വി ഇപ്പോൾ ടെഹ്റാനിലേക്ക് പോകുകയാണെന്നും അവിടെ അദ്ദേഹം മുതിർന്ന ഇറാനിയൻ ഉദ്യോഗസ്ഥരുമായി ചർച്ച നടത്തുമെന്നും ഇറാനിയൻ മാധ്യമങ്ങൾ പിന്നീട് റിപ്പോർട്ട് ചെയ്തു. സർക്കാർ ഉടമസ്ഥതയിലുള്ള വാർത്താ ഏജൻസിയായ ഐആർഎൻഎയുടെ റിപ്പോർട്ട് പ്രകാരം, നഖ്വി തന്റെ സന്ദർശന വേളയിൽ ഇറാനും യുഎസും തമ്മിലുള്ള നടന്നുകൊണ്ടിരിക്കുന്ന ചർച്ചകൾ നിരീക്ഷിക്കുമെന്നാണ് അറിയിച്ചിരിക്കുന്നത്.
