കാസര്കോഡ് : കെ പി സി സി അധ്യക്ഷ സ്ഥാനത്തേക്ക് തന്നെയും പരിഗണിക്കണം എന്ന് ആവശ്യപ്പെട്ട് രാജ്മോഹന് ഉണ്ണിത്താന് എ ഐ സി സി നേതൃത്വത്തിന് കത്തയച്ചു.ഇപ്പോള് കെ പി സി സി അധ്യക്ഷ സ്ഥാനത്തേക്ക് പേര് വന്നവര് പി ആര് വര്ക്കുകള് നടത്തുന്നവരാണ്.അവര് മറ്റുള്ളവരെ അവഹേളിക്കുന്നു. സംഘടനയെ വളര്ത്താന് അവര്ക്ക് താല്പര്യമില്ലെന്നും രാജ്മോഹന് ഉണ്ണിത്താന് പറഞ്ഞു.ഇമേജ് വളര്ത്താന് ആണ് ഇത്തരക്കാര് ശ്രമിക്കുന്നത്.
അധ്യക്ഷനെ തെരഞ്ഞെടുക്കുന്നതിനുള്ള പ്രധാന മാനദണ്ഡം അര്ഹതയും യോഗ്യതയും പാര്ട്ടിയിലെ പ്രവര്ത്തന പരിചയവും മാത്രമായിരിക്കണം.കോണ്ഗ്രസിലെ പല നേതാക്കള്ക്കും വ്യാജ അക്കൗണ്ട് ഉണ്ട്. അതിന്റെ പരിണിത ഫലമാണ് നമ്മള് അനുഭവിക്കുന്നത്.
അതേസമയം, എംപിമാരെയും എംഎല്എമാരെയും കെപിസിസി അധ്യക്ഷ സ്ഥാനത്തേക്ക് പരിഗണിക്കരുതെന്ന് ആവശ്യപ്പെട്ട് കോട്ടയം ഡിസിസി ഓഫിസിന് മുന്നിലടക്കം വിവിധ ഇടങ്ങളില് ഫ്ലക്സ് ബോര്ഡുകള് പ്രത്യക്ഷപ്പെട്ടിരുന്നു. എംഎല്എമാരും എംപിമാരും മണ്ഡലം ശ്രദ്ധിക്കട്ടെയെന്നായിരുന്നു ഫ്ലക്സ് ബോര്ഡുകളില് ഉണ്ടായിരുന്നത്.
