മയാമി: ലോകകപ്പ് ഫുട്ബോള് 2026ല് അര്ജന്റീനയുടെ തോല്വിക്ക് ശേഷം ക്യാപ്റ്റന് ലയണല് മെസി ആദ്യമായി കളിക്കാനിറങ്ങി. അമേരിക്കന് ഫുട്ബോള് ലീഗായ മേജര് ലീഗ് സോക്കറില്(എംഎല്എസ്) പകരക്കാരനായാണ് മെസി ഇറങ്ങിയത്.
മെസിയുടെ ടീം ഇന്റര് മയാമി മത്സരത്തില് കൊളംബസ് ക്രൂവിനോട് 2-2ന്റെ സമനിലയില് കുരുങ്ങി. 53-ാം മിനിറ്റിലാണ് മെസി കളിക്കാനിറങ്ങിയത്. സൂപ്പര് താരം ഇറങ്ങുമ്പോള് 2-1ന് മുന്നിലായിരുന്ന മയാമി പിന്നീടാണ് സമനില പിടിച്ചത്.
മയാമിക്കായി ലൂയി സുവാരസും നോഹ് അല്ലനും ഗോളുകള് നേടി. കൊളംബസിന്റെ ഒരു ഗോള് ബ്രായിസ് മെന്ഡസ് നേടിയപ്പോള് മറ്റൊന്ന് മയാമി മധ്യനിരതാരമായ ബ്രസീലിന്റെ കസെമിറോയുടെ കാലില് തട്ടി ദാനഗോള് ആകുകയായിരുന്നു.
