കൊച്ചി: ശബരിമല സ്വര്ണ്ണക്കൊള്ളക്കേസില് ഏതുതരത്തിലുള്ള അന്വേഷണവും നടക്കട്ടെയെന്ന് തിരുവിതാംകൂര് ദേവസ്വം ബോര്ഡ് പ്രസിഡന്റ് കെ.
ജയകുമാര്. മുന് ഭരണസമിതിയെ പ്രതിചേര്ക്കാനുള്ള പ്രത്യേക അന്വേഷണസംഘത്തിന്റെ നീക്കങ്ങളില് പ്രതികരിക്കാനില്ലെന്ന് അദ്ദേഹം പറഞ്ഞു.
അന്വേഷണത്തോട് പൂര്ണ്ണമായി സഹകരിക്കുക എന്നല്ലാതെ ബോര്ഡിന് മറ്റൊന്നും ചെയ്യാനില്ല. കോടതിയുടെ നേരിട്ടുള്ള നിരീക്ഷണത്തിലിരിക്കുന്ന കേസായതിനാല് കൂടുതല് പ്രതികരിക്കാനില്ലെന്ന് ജയകുമാര് പറഞ്ഞു. സത്യം എന്താണെന്ന് പുറത്തുവരുന്നതുവരെ അന്വേഷണം തുടരട്ടെ. നിലവില് നടക്കുന്ന അന്വേഷണത്തോട് ദേവസ്വം ബോര്ഡ് പൂര്ണ്ണമായ സഹകരണം നല്കുന്നുണ്ടെന്നും കൊച്ചിയില് മാദ്ധ്യമങ്ങളോട് സംസാരിക്കവെ അദ്ദേഹം.
പറഞ്ഞു.
