കോഴിക്കോട്:ചേവായൂര് ബാങ്ക് ഭരണസമിതി തെരഞ്ഞെടുപ്പ് പൊലീസ് സഹായത്തോടെ സിപിഎം അട്ടിമറിച്ചത് അന്വേഷിക്കാന് പ്രത്യേക സംഘം
കോഴിക്കോട്: ചേവായൂര് സര്വീസ് സഹകരണ ബാങ്ക് ഭരണസമിതി തെരഞ്ഞെടുപ്പ് അട്ടിമറിക്കാന് അന്നത്തെ പൊലീസ് ഉദ്യോഗസ്ഥര് സഹായം നല്കി എന്ന പരാതി പ്രത്യേക സംഘം അന്വേഷിക്കും.2024 നവംബറില് നടന്ന തെരഞ്ഞെടുപ്പിന് സംരക്ഷണം നല്കണമെന്ന് ഹൈക്കോടതി നിര്ദേശമുണ്ടായിരുന്നെങ്കിലും കോണ്ഗ്രസ് വോട്ടര്മാര്ക്ക് നേരെ സിപിഎം പ്രവര്ത്തകരുടെ അക്രമങ്ങള്ക്കും കള്ളവോട്ടുകള്ക്കും പൊലീസ് ഒത്താശ നല്കി എന്നായിരുന്നു ഡിസിസിയുടെ പരാതി.
വാഹനങ്ങള് ആക്രമിക്കപ്പെട്ടതടക്കം പരാതികളില് 12 എഫ്ഐആറുകള് രജിസ്റ്റര് ചെയ്തെങ്കിലും കാര്യക്ഷമമായ അന്വേഷണം ഉണ്ടായില്ല.നൂറു കോടിയോളം രൂപ നിക്ഷേപവും അഞ്ഞൂറ് കോടിയോളം രൂപ ആസ്തിയുമുള്ളതാണ് ചേവായൂര് സര്വീസ് സഹകരണ ബാങ്ക്.
ബാങ്ക് ഭരണം കോണ്ഗ്രസ് വിമതരുടെ പിന്തുണയോടെ സിപിഎം പിടിച്ചെടുക്കുകയായിരുന്നു. സഹകരണവകുപ്പിലെ ആരോപണവിധേയരായ രണ്ട് ഉദ്യോഗസ്ഥരെ യു ഡി എഫ് സര്ക്കാര് അധികാരമേറ്റെടുത്തതിന് പിന്നാലെ സ്ഥലം മാറ്റി.
