തിരുവനന്തപുരം: ഹോട്ടലുകളില് കോര്പ്പറേഷന്റെ പരിശോധന.95 സ്ഥാപനങ്ങളില് കോര്പ്പറേഷന്റെ വിവിധ സ്ക്വാഡുകള് പരിശോധന നടത്തിയതില് 48 സ്ഥാപനങ്ങളില് വീഴ്ചകള് കണ്ടെത്തി.
ഏഴ് ഇടത്തുനിന്ന് പഴകിയ ഭക്ഷണങ്ങള് കണ്ടെത്തി.ഇവര്ക്ക് നോട്ടീസ് നല്കിയതായി മേയര് വി വി രാജേഷ് പറഞ്ഞു.പിഴയായി 57,500 രൂപ ഈടാക്കുകയും ചെയ്തു
വൃത്തിഹീനമായ അന്തരീക്ഷത്തില് പ്രവര്ത്തിക്കുന്ന ഹോട്ടലുകള്ക്ക് നേരത്തേ ഹെല്ത്ത് ഇന്സ്പെക്ടര്മാര് മുന്നറിയിപ്പ് നല്കിയിരുന്ന.എന്നിട്ടും അത് പരിഹരിക്കാതെ തുടര്ന്നതിനാല് ശക്തമായ നടപടികളിലേക്ക് കടക്കുകയാണെന്ന് മേയര് പറഞ്ഞു.
തട്ടുകടകളില് അടക്കം പരിശോധന നടത്തി മുഖം നോക്കാതെ നടപടിയെടുക്കും. പരിശോധന ഇനിയും തുടരുമെന്നും വി വി രാജേഷ് മുന്നറിയിപ്പ് നല്കി. തെരുവുനായ ശല്യം പരിഹരിക്കുന്നതിനുള്ള നടപടികളുടെ രണ്ടാംഘട്ടം ഇന്ന് ആരംഭിച്ചു.
മെഡിക്കല് കോളേജ് പരിസരത്ത് നിന്നും നായകളെ പിടിച്ചു. ആശുപത്രികള്ക്ക് പിന്നാലെ മ്യൂസിയം, ബസ്റ്റാന്ഡ് അടക്കം മറ്റിടങ്ങിലേക്കും ഇത് വ്യാപിപ്പിക്കും.പേട്ടയിലെ എബിസി പ്രവര്ത്തനം ശക്തിപ്പെടുത്തി. വന്ധീകരിക്കുന്ന നായകളെ പിന്നെ തുറന്നു വിടില്ലെന്നും മേയര് പറഞ്ഞു.
