തിരുവനന്തപുരം: മുതിര്ന്ന മാദ്ധ്യമ പ്രവര്ത്തകന് പട്ടം വൃന്ദാവന് ഗാര്ഡന്സില് എന്ആര്എസ് ബാബു അന്തരിച്ചു. വാര്ദ്ധക്യ സഹജമായ അസുഖങ്ങളെ തുടര്ന്ന് ചികിത്സയിലായിരുന്നു. കലാകൗമുദി വാരികയുടെ എഡിറ്ററും കേരളകൗമുദി ദിനപത്രത്തിന്റെ ഡെപ്യൂട്ടി എഡിറ്ററുമായിരുന്നു. പ്രസ് ക്ലബ് ഇന്സ്റ്റിറ്റ്യൂട്ട് ഓഫ് ജേര്ണലിസം ഡയറക്ടറായും പ്രവര്ത്തിച്ചു. കേരളത്തിലെ ആദ്യ മള്ട്ടിമീഡിയ സോഫ്റ്റ്വെയര് കമ്പനികളിലൊന്നായ ഇന്വിസ് മള്ട്ടിമീഡിയയുടെ ചെയര്മാനാണ്.
മലയാള സാഹിത്യത്തില് നവ ഭാവുകത്വത്തിന് വിത്തുപാകിയ കലാകൗമുദി വാരികയില് എം എസ് മണി, എസ് ജയചന്ദ്രന് നായര് എന്നിവര്ക്കൊപ്പം പ്രവര്ത്തിച്ചു. അന്വേഷണാത്മക പത്രപ്രവര്ത്തനത്തിന് തുടക്കം കുറിച്ചവരില് പ്രധാനിയാണ്. ‘മായാത്ത കഥകള്’, ‘ആരും പറയാത്ത മഹാകഥകള്’ എന്നീ കൃതികള് രചിച്ചിട്ടുണ്ട്.
മുതിര്ന്ന മാദ്ധ്യമ പ്രവര്ത്തകന് എന്ആര്എസ് ബാബു അന്തരിച്ചു
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.