കോട്ടയം : മുക്കുപണ്ടം പകരം വച്ച് വൃദ്ധയുടെ സ്വര്ണം തട്ടിയെടുത്ത ഹോം നഴ്സ് പിടിയില്. മണര്കാട് അരീപ്പറമ്പ് പള്ളിപ്പറമ്പില് പെണ്ണമ്മ തോമസിന്റെ വീട്ടില് ഒരു വര്ഷത്തോളമായി ജോലി ചെയ്തു വരികയായിരുന്നു രമ്യയാണ് പിടിയിലായത്. മക്കള് വിദേശത്തായിരുന്നതിനാല് പെണ്ണമ്മയുടെ വീട്ടിലെ കാര്യങ്ങള് നോക്കിയിരുന്നത് രമ്യയാണ്. അടുത്തിടെ വിദേശത്തുള്ള മകള്
വീഡിയോ കോളില് വിളിച്ച് സ്വര്ണ്ണാഭരണങ്ങള് കാണിക്കാനാവശ്യപ്പെട്ടപ്പോള് ചിലത് നിറംമങ്ങിയ നിലയില് കണ്ടെത്തി. തുടര്ന്ന് ബന്ധുവിനെ വിവരമറിയിക്കുകയായിരുന്നു. തുടര്ന്ന് നടത്തിയ പരിശോധനയില് പലതും മുക്കു പണ്ടമാണെന്ന് തിരിച്ചറിഞ്ഞു. ഇവര് മണര്കാട് പോലീസിലില് പരാതി നല്കി.
പൊലീസിന്റെ ചോദ്യം ചെയ്യലില് പെണ്ണമ്മയുടെ സ്വര്ണ്ണാഭരണങ്ങള്ക്കു പകരം മുക്കുപണ്ടം വയ്ക്കുകയും സ്വര്ണാഭരണങ്ങള് പണയം വച്ച് പണം വാങ്ങുകയും ചെയ്തയായി രമ്യ സമ്മതിച്ചു.
