മഞ്ചേരി: 35കാരിയെ പീഡിപ്പിച്ച 65 വയസുകാരന് 18 വർഷം കഠിനതടവും പിഴയും ശിക്ഷ. മലപ്പുറം മുണ്ടുപറമ്പ് സ്വദേശി സി.കാസിമിനെയാണ് മഞ്ചേരി അതിവേഗ കോടതി ശിക്ഷിച്ചത്. കഴിഞ്ഞ വർഷം മെയിലാണ് 35 വയസുകാരി പീഡനത്തിന് ഇരയായത്. വീട്ടിൽ അതിക്രമിച്ചുകയറിയ കാസിം 35കാരിയെ ലൈംഗികമായി പീഡിപ്പിക്കുകയായിരുന്നു.
പീഡനത്തിന് മുമ്പ് 35കാരിയെ കാസിം നിരന്തരമായി നിരീക്ഷിക്കുകയും പീഡിപ്പിക്കണമെന്ന ഉദേശ്യത്തോടെ പി റകേ നടന്ന് ശല്യപ്പെടുത്തുകയും ചെയ്തിരുന്നു. ഇതിന് പിന്നാലെയാണ് 2025 മെയ് 14ന് വീട്ടിൽ അതിക്രമിച്ച് കയറി പീഡിപ്പിച്ചത്. 40,000 രൂപ പ്രതി പിഴയൊടുക്കണം. ബലാത്സംഗം ചെയ്തതിന് പത്ത് വർഷം തടവുശിക്ഷ, മാനഹാനി വരുത്തിയതിന് രണ്ട് വർഷം കഠിന തടവ്, വീട്ടിൽ അതിക്രമിച്ചു കയറിയതിന് 5 വർഷവും കഠിനതടവ് അനുഭവിക്കണം.
പിഴ അടച്ചില്ലെങ്കിൽ പ്രതി അഞ്ച് വർഷം കൂടി അധികം തടവ് ശിക്ഷ അനുഭവിക്കണം. പിഴ ഒടുക്കുകയാണെങ്കിൽ ആ തുക പീഡനത്തിന് ഇരയായ അതിജീവിതയ്‌ക്ക് നൽകണമെന്നും കോടതി ഉത്തരവിട്ടു.
