ചെന്നൈ: ഫെമ ലംഘനവുമായി ബന്ധപ്പെട്ട് ഫ്ളിപ്കാര്ട്ട് സഹസ്ഥാപകരായ സച്ചിന് ബന്സാലിനും ബിന്നി ബന്സാലിനും എതിരായ ഇഡി നടപടികള് റദ്ദാക്കാന് മദ്രാസ് ഹൈക്കോടതി വിസമ്മതിച്ചു.
ഫ്ളിപ്കാര്ട്ട് സ്ഥാപനങ്ങളിലെ നേരിട്ടുള്ള വിദേശ നിക്ഷേപ ലംഘനങ്ങളുമായി ബന്ധപ്പെട്ട ഇഡിയുടെ കാരണം കാണിക്കല് നോട്ടീസുകളില് ഇടപെടാന് വിസമ്മതിച്ചുള്ള മുന് വിധിന്യായത്തിനെതിരെ സമര്പ്പിച്ച പുനഃപരിശോധനാ ഹര്ജികളാണ് ജസ്റ്റിസ് എസ് സൗന്തര് തള്ളിയത്.
കേന്ദ്ര അതോറിറ്റിയുടെ മുന്കൂര് അനുമതിയില്ലാതെ ഫ്ളിപ്കാര്ട്ട് നേരിട്ടുള്ള വിദേശ നിക്ഷേപം സ്വീകരിച്ചുവെന്നും ഇക്വിറ്റി ഓഹരികള് പുറപ്പെടുവിച്ചുവെന്നും ചൂണ്ടിക്കാട്ടിയായിരുന്നു എന്ഫോഴ്മെന്റ് ഡയറക്ടറേറ്റ് കേസെടുത്തത്.
ഫ്ളിപ്കാര്ട്ടിന് 142.40 കോടി രൂപയുടെ നേരിട്ടുള്ള വിദേശ ഫണ്ട് ലഭിച്ചതായി ഇഡി കണ്ടെത്തിയിരുന്നു.
