കൊല്ലം: മദ്യപിക്കുന്നതിനിടെ രണ്ടുപേരെ കൊടുവാളുകൊണ്ട് വെട്ടിപ്പരിക്കേല്പ്പിച്ച കേസിലെ പ്രതി ജിജോയെ (37) ചിതറ പോലീസ് അറസ്റ്റ് ചെയ്തു. ഇയാള്ക്കെതിരെ വധശ്രമം ഉള്പ്പെടെയുള്ള വകുപ്പുകള് ചുമത്തി കേസെടുത്തതായി പോലീസ് അറിയിച്ചു.
ചിതറ അരിപ്പ സമരഭൂമിക്ക് സമീപം മദ്യപിച്ചുകൊണ്ടിരിക്കെ ജിജോയും സമീപവാസിയായ വിനോദും തമ്മില് വാക്കുതര്ക്കമുണ്ടാവുകയും കലി കയറിയ ജിജോ പൊടുന്നനെ കൊടുവാളിന് വിനോദിനെ വെട്ടുകയുമായിരുന്നു. തടയാന് ശ്രമിക്കവെ ഒപ്പമുണ്ടായിരുന്ന ദീപുവിനും വെട്ടേറ്റു. തലയ്ക്ക് ഗുരുതരമായി പരിക്കേറ്റ ഇരുവരെയും നാട്ടുകാര് തിരുവനന്തപുരം മെഡിക്കല് കോളേജ് ആശുപത്രിയില് പ്രവേശിപ്പിച്ചു. ഇവര് ഗുരുതരാവസ്ഥയില് തുടരുകയാണ്. സംഭവത്തിനുശേഷം ഒളിവില് പോയ ജിജോയെ അഞ്ചല് പോലീസിന്റെ സഹായത്തോടെയാണ് ചിതറ പോലീസ് പിടികൂടിയത്.
ഒന്നിച്ചിരുന്ന മദ്യപിക്കുന്നതിനിടെ തര്ക്കം: കൊടുവാളുകൊണ്ട് രണ്ടു പേരെ വെട്ടിപ്പരിക്കേല്പ്പിച്ച പ്രതി അറസ്റ്റില്
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.