കാസർകോട്: യുവതിക്ക് വാട്സാപ്പിലൂടെ അശ്ലീലസന്ദേശം അയച്ച എസ്എഫ്ഐ കാസർകോട് ജില്ലാ സെക്രട്ടറി കെ.അനുരാഗിനെതിരെ തിടുക്കപ്പെട്ട് നടപടി വേണ്ടെന്നാണ് എസ്എഫ്ഐ ഫ്രാക്ഷൻ യോഗത്തിൽ തീരുമാനം. പരാതിക്കാരിയെ അനുനയിപ്പിക്കാനാണ് പാർട്ടി നേതൃത്വത്തിന്റെ ശ്രമം. എസ്എഫ്ഐ ഏരിയാ കമ്മിറ്റി അംഗമായ യുവതി സിപിഎം ജില്ലാ നേതൃത്വത്തിനാണ് പരാതി നൽകിയത്.
വാട്സാപ്പ് വഴി നിരവധിതവണ അശ്ലീല സന്ദേശവും ദൃശ്യങ്ങളും അയച്ചു എന്നായിരുന്നു പരാതി. എസ്എഫ്ഐ തൃക്കരിപ്പൂർ ഏരിയാ കമ്മിറ്റിക്ക് പെൺകുട്ടി രണ്ട് മാസം മുമ്പ് പരാതി നൽകിയിരുന്നെങ്കിലും നടപടിയുണ്ടായില്ല, തുടർന്നാണ് സിപിഎം ജില്ലാ സെക്രട്ടറി രാജഗോപാലിന് നേരിട്ട് പരാതി നൽകിയത്. എന്നാൽ, അനുരാഗിനെതിരെ ഉടൻ നടപടിയെടുക്കണ്ടെന്നാണ് നേതാക്കളുടെ തീരുമാനം.
