തിരുവനന്തപുരം: ലഹരിക്കെതിരായ നിരന്തര പോരാട്ടം ശക്തമാക്കുന്നതിനും എന്ഫോഴ്സ്മെന്റ് നടപടികള് വിപുലീകരിക്കുന്നതിനുമായി കേന്ദ്രസംസ്ഥാന ഏജന്സികളുമായി കൈകോര്ത്ത് മള്ട്ടി ഡിജിറ്റല് ഇന്റഗ്രേഷന് പ്രോജക്ട് നടപ്പാക്കുമെന്ന് ആഭ്യന്തരമന്ത്രി രമേശ് ചെന്നിത്തല. കേന്ദ്ര ഏജന്സികളെ പങ്കെടുപ്പിച്ച് പോലീസ് ആസ്ഥാനത്ത് നടത്തിയ ഇന്റര് ഏജന്സി കോഓര്ഡിനേഷന് യോഗത്തിനുശേഷം വാര്ത്താസമ്മേളനത്തില് സംസാരിക്കുകയായിരുന്നു മന്ത്രി.
തൂഫാന് വാരിയറായി പ്രവര്ത്തിക്കാന് നടന് മോഹന്ലാല് സന്നദ്ധത അറിയിച്ചിട്ടുണ്ട്. അദ്ദേഹത്തെ കൂടാതെ നിരവധി സിനിമാ താരങ്ങളും ലഹരിക്കെതിരെ അണിനിരക്കാന് സ്വയംസന്നദ്ധരായി മുന്നോട്ടുവന്നിട്ടുണ്ടണ്ട്. തൂഫാന് വാരിയേഴ്സ് ആയി എല്ലാവരും മുന്നോട്ടുവരണമെന്നും ആഭ്യന്തരമന്ത്രി അഭ്യര്ത്ഥിച്ചു. ലഹരി വ്യാപനം തടയുക, ഉറവിടം കണ്ടെത്തി നശിപ്പിക്കുക എന്നീ ഉദ്ദേശ്യ ലക്ഷ്യത്തോടെ സംസ്ഥാന രഹസ്യാന്വേഷണ വിഭാഗം ടിഐഎന്ടി എന്ന പേരില് പുതിയ സംരംഭവും ആരംഭിച്ചിട്ടുണ്ടണ്ട്. തൂഫാന് സ്ട്രൈക്ക്, തൂഫാന് വാരിയേഴ്സ്, തൂഫാന് കെയര് എന്നീ മൂന്നു ഘട്ടങ്ങളിലായി ഈ പദ്ധതി മുന്നോട്ട് കൊണ്ടണ്ടുപോകുമെന്നും പൊതുവിദ്യാഭ്യാസ വകുപ്പുമായി ചേര്ന്ന് വണ് മില്ല്യണ് തൂഫാന് ഗോള്സ് എന്ന പദ്ധതിക്ക് തുടക്കം കുറിച്ചുവെന്നും അദ്ദേഹം പറഞ്ഞു.
വിവിധ കേന്ദ്ര എജന്സികള് ഈ പദ്ധതിക്ക് വലിയ പിന്തുണ വാഗ്ദാനം ചെയ്തിട്ടുണ്ട്. യോഗത്തില് ഉണ്ടണ്ടായ അഭിപ്രായങ്ങളുടേയും നിര്ദേശങ്ങളുടേയും അടിസ്ഥാനത്തില് ഓപ്പറേഷന് തൂഫാന് നടപടിക്രമങ്ങളില് മാറ്റം വരുത്തും. മാത്രമല്ല കൂടുതല് ശാസ്ത്രീയ രീതികള് അവലംബിക്കുമെന്നും അദ്ദേഹം അറിയിച്ചു.
യോഗത്തില് ആഭ്യന്തര വകുപ്പുമന്ത്രിക്ക് പുറമേ, സംസ്ഥാന പോലീസ് മേധാവി റവാഡ ആസാദ് ചന്ദ്രശേഖര്, ആഭ്യന്തര വകുപ്പ് ഉപദേഷ്ടാവും റിട്ടയേര്ഡ് ഡിജിപിയുമായ എ. ഹേമചന്ദ്രന് എന്നിവരും പോലീസ് ആസ്ഥാനത്തെ ഉന്നത ഉദ്യോഗസ്ഥര്, കസ്റ്റംസ്, കോസ്റ്റ് ഗാര്ഡ്, നാര്ക്കോട്ടിക്സ് കണ്ട്രോള് ബ്യൂറോ, റവന്യൂ ഇന്റലിജന്സ്, കോസ്റ്റല് പോലീസ്, സംസ്ഥാന ഇന്റലിജന്സ്, കേരള എക്സൈസ്, സെന്ട്രല് ഇന്ഡസ്ട്രിയല് സെക്യൂരിറ്റി ഫോഴ്സ്, റെയില്വേ പ്രൊട്ടക്ഷന് ഫോഴ്സ്, നാഷണല് ടെക്നിക്കല് റിസര്ച്ച് ഓര്ഗനൈസേഷന്, എസ്ഐബി, ഡിആര്ഐ, എഫ്ആര്ആര്ഒ തുടങ്ങിയ വകുപ്പുകളില് നിന്നുള്ള ഉന്നത ഉദ്യോഗസ്ഥരും സംസാരിച്ചു.
