വാന്കൂവര്: ലോകത്തെങ്ങും ഭാരതീയരുണ്ടാകും, പ്രത്യേകിച്ച് ദക്ഷിണ ഭാരതീയര്. ഫിഫ ലോകകപ്പിലും അങ്ങനെ ഭാരതവംശജര് സ്ഥനമുറപ്പിക്കുകയാണ്. 2006ല് ഫ്രാന്സിന്റെ വികസ് ധോരാസുവിന് ശേഷം ഫിഫ ലോകകപ്പില് കളിക്കുന്ന ആദ്യ ഭാരത വംശജനാണ് തമിഴ് ശൈലിയുടെ താരമായ നിഷാന് വേലുപ്പിള്ള.
കഴിഞ്ഞ ദിവസം നടന്ന ഒസ്ട്രേലിയ തുര്ക്കി മത്സരത്തില് ആംഗ്ലോ-ഇന്ത്യന് കുടുംബത്തിന്റെ മകനായി ജനിച്ച നിഷാന് വേലുപ്പിള്ള 61-ാം മിനുട്ടില് ബെഞ്ചില് നിന്ന് ഇറങ്ങി പ്രതിരോധ പടയ്ക്കൊപ്പം ചേര്ന്നു. 25കാരനായ നിഷാന് ഒസ്ട്രേലിയയുടെ മിന്നും താരങ്ങളില് ഒരാളാണ്.
2024ലിലാണ് ഒസ്ട്രേലിയയ്ക്കു വേണ്ടി കളിക്കാന് ഇറങ്ങുന്നത്. ചൈനയ്ക്കെതിരായ യോഗ്യതാ മത്സരത്തില് അരങ്ങേറ്റം കുറിച്ച നിഷാന് ഏഴ് മിനിറ്റിനുള്ളില് ഗോള് നേടി. തുടര്ന്നു നടന്ന എല്ലാ യോഗ്യതാ മത്സരങ്ങളിലും ഗോള് നേടാന് നിഷാന് സാധിച്ചു. ആ പ്രകടനമാണ് ഓസ്ട്രേലിയന് പരിശീലകന് ടോണി പോപോവിച്ചിനെ നിഷാനെ ടീമിലേക്ക് തെരഞ്ഞെടുക്കാന് പ്രേരിപ്പിച്ചത്.
തുടര്ന്ന് 2026ലെ ഫിഫ ലോകകപ്പില് കളിക്കുന്ന ആദ്യ ഭാരതവംശജനായി നിഷാന് മാറി. 2001ല് ആഗ്ലോ-ഇന്ത്യന് അമ്മയായ ഗില്ലിയന് വേലുപ്പിള്ളയുടെ മകനായാണ് നിഷാന്റെ ജനനം. കുടുംബത്തിന്റെ വേരുകള് തമിഴ്നാട്ടിലാണ്. ആകെ 128 മത്സരങ്ങള് കളിച്ചു. 19 ഗോളുകള് നേടി.
