കാസർകോട്: എസ്എഫ്ഐ കാസർകോട് ജില്ലാ സെക്രട്ടറി കെ അനുരാഗിനെതിരെ പരാതി. ഫോണിൽ അശ്ലീല ദൃശ്യങ്ങളും സന്ദേശവും അയച്ചെന്ന് കാട്ടി എസ്എഫ്ഐ ഏരിയാ കമ്മിറ്റി അംഗമായ യുവതിയാണ് പരാതി നൽകിയത്. സിപിഎം കാസർകോട് ജില്ലാ സെക്രട്ടറി രാജഗോപാലിനാണ് പരാതി നൽകിയത്. അനുരാഗിനെതിരെ നടപടിയുണ്ടായേക്കും എന്നാണ് പാർട്ടി വൃത്തങ്ങളിൽ നിന്ന് ലഭിക്കുന്ന സൂചന.
വാട്സാപ്പ് വഴിയാണ് അനുരാഗ് യുവതിക്ക് അശ്ലീല ദൃശ്യങ്ങളും സന്ദേശവും അയച്ചത്. നിരന്തരം ഇങ്ങനെ അയക്കാറുണ്ടെന്നും പരാതിയിൽ പറഞ്ഞിട്ടുണ്ട്. പരാതിയുമായി ബന്ധപ്പെട്ട് അന്വേഷണം നടക്കുന്നുണ്ട്. കെ അനുരാഗ് എസ്എഫ്ഐ കാസർകോട് ജില്ലാ സെക്രട്ടറി സ്ഥാനം ഏറ്റെടുത്തതിന് ഏതാനും മാസങ്ങളേ ആയിട്ടുള്ളൂ. അതിനിടെയാണ് ഗുരുതരമായ ലൈംഗിക ആരോപണം ഉയരുന്നത്.
പരാതിയെ തുടർന്ന് സിപി എം ജില്ലാ നേതൃത്വവും എസ് എഫ് ഐ ജില്ലാ നേതൃത്വവും തമ്മിൽ ചർച്ചകൾ നടത്തിക്കഴിഞ്ഞു. അടിയന്തരമായി യോഗം വിളിച്ചുചേർക്കാനാണ് ചർച്ചയിൽ തീരുമാനമായിരിക്കുന്നത്.
