തിരുവനന്തപുരം:സംസ്ഥാന ബജറ്റ് തയാറാക്കുന്ന തിരക്ക് മൂലം മുഖ്യമന്ത്രിയെ കാണുന്നതിന് വിലക്ക്. വെള്ളിയാഴ്ച വരെ മുഖ്യമന്ത്രിയെ സന്ദര്‍ശിക്കുന്നതിനാണ് വിലക്കേര്‍പ്പെടുത്തിയത്.
പൊതുജനങ്ങള്‍ക്കും മറ്റ് സന്ദര്‍ശകര്‍ക്കും താത്ക്കാലികമായി ഉണ്ടാകുന്ന ഈ ബുദ്ധിമുട്ടില്‍ ഖേദിക്കുന്നു.എല്ലാവരുടെയും പൂര്‍ണ സഹകരണം പ്രതീക്ഷിക്കുന്നതായും മുഖ്യമന്ത്രിയുടെ ഓഫീസ് വാര്‍ത്താക്കുറിപ്പില്‍ അറിയിച്ചു.
നാടിന്റെ മികച്ചൊരു നാളേയ്‌ക്കായുള്ള വലിയൊരു ദൗത്യത്തിലാണ് മുഖ്യമന്ത്രിയും സര്‍ക്കാരും.ഈ സാഹചര്യത്തില്‍ പൊതുജനങ്ങളുടെയും മറ്റുള്ളവരുടെയും ആത്മാര്‍ഥമായ പിന്തുണയും സഹകരണവും ഉണ്ടാകണമെന്നും മുഖ്യമന്ത്രിയുടെ ഓഫീസ് പറഞ്ഞു. അടുത്ത വെള്ളിയാഴ്ചയാണ് വി.ഡി സതീശന്‍ സര്‍ക്കാരിന്റെ ബജറ്റ് അവതരിപ്പിക്കുന്നത്.
