പെരുമ്പാവൂർ : ഓപ്പറേഷൻ തൂഫാന്റെ ഭാഗമായി പെരുമ്പാവൂരിൽ പോലീസിന്റെ വ്യാപക റെയ്ഡ്. 12 ഇതര സംസ്ഥാനത്തൊഴിലാളികൾ പിടിയിൽ. 60 ഓളം ബോട്ടിൽ ഹെറോയിനും ഇവരിൽ നിന്ന് കണ്ടെടുത്തു.ജില്ലാ പോലീസ് മേധാവി കെ.എസ് സുദർശന്റെ നിർദ്ദേശത്തിൽ പെരുമ്പാവൂർ എ എസ് പി ഹാർദിക് മീണയുടെ നേതൃത്വത്തിലായിരുന്നു പരിശോധന നടത്തിയത്.
പെരുമ്പാവൂർ ബസ്റ്റാൻഡ് ഫിഷ് മാർക്കറ്റ് നഗരത്തിന്റെ മറ്റു ഭാഗങ്ങൾ എന്നിവിടങ്ങളിലായിരുന്നു പരിശോധന. പ്രത്യേകം പരിശീലനം സിദ്ധിച്ച പോലീസ് നായയെയും റെയ്ഡിൽ പങ്കാളിയായി. ഞായറാഴ്ച വൈകിട്ട് ആരംഭിച്ച പരിശോധന രാത്രിയിലും. ഒക്കൽ കാരിക്കോട് ഭാഗത്ത് നിന്ന് 20 ബോട്ടിൽ മയക്കുമരുന്നുമായി മൂന്ന് അസം സ്വദേശികളെ കസ്റ്റഡിയിൽ എടുത്തിട്ടുണ്ട്.
