കൊച്ചി: കേരളത്തിലെ വസ്ത്രവ്യാപാര രംഗത്ത് എട്ട് പതിറ്റാണ്ടിലേറെ പാരമ്പര്യവും വിശ്വസ്തതയുമുള്ള രാംസണ്സ് ധോത്തിസ് & ടെക്സ്റ്റൈല്സ് പുതിയ ബ്രാന്ഡ് അംബാസഡറായി നടന് മോഹന്ലാലിനെ പ്രഖ്യാപിച്ചു.
അദ്ദേഹത്തോടൊപ്പമുള്ള ഈ പുതിയ ബ്രാന്ഡ് യാത്ര രാംസണ്സിന്റെ വളര്ച്ചക്ക് പുതിയൊരു ദിശ നല്കുമെന്ന് രാംസണ്സ് ധോത്തിസ് & ടെക്സ്റ്റൈല്സ് എംഡി പ്രവീണ് കുമാര് അറിയിച്ചു.
കുത്താമ്പുള്ളിയെ ഒരു നെയ്ത്ത് ഗ്രാമമായി മാറ്റുന്നതില് പ്രധാന പങ്ക് വഹിച്ച പി.വി. രാമസ്വാമി 1945ല് രൂപീകരിച്ചതാണ് രാംസണ്സ് ധോത്തിസ് & ടെക്സ്റ്റൈല്സ്. ഗുണമേന്മയിലും നവീനതയിലും അധിഷ്ഠിതമായ 80 വര്ഷത്തെ പാരമ്പര്യമാണ് മോഹന്ലാലുമായുള്ള പുതിയ കൂട്ടുകെട്ടിലൂടെ കൂടുതല് ഉയരങ്ങളിലേക്ക് എത്തുന്നത്. സവിശേഷമായി രൂപകല്പന ചെയ്ത ‘വെഡ്ഡിങ് കളക്ഷന്’, ‘പ്രീമിയം കളക്ഷന്’ എന്നിവയും അവതരിപ്പിച്ചു.
കൊച്ചിയില് നടന്ന വാര്ത്താസമ്മേളനത്തില് ബ്രാന്ഡ് സ്ട്രാറ്റജിസ്റ്റും പരസ്യചിത്ര സംവിധായകനുമായ ഗോപ് ബെഞ്ച്മാര്ക്ക്, രാംസണ്സ് ഓപ്പറേഷന്സ് മാനേജര് ശ്രീറാം എന്നിവരും പങ്കെടുത്തു.
