മട്ടാഞ്ചേരി: ഭാരതത്തിലെ പ്രഥമ ജലവിമാന സര്വീസ് 22ന് തുടങ്ങും. കൊച്ചിയില് നിന്ന് ലക്ഷദ്വീപിലെ അഗത്തിയി ലേയ്ക്കാണ് സര്വീസ്. സ്കൈ ഹോപ്പ് ഏവിയേഷന് സര്വീസിന് ഏവിയേഷന് വകുപ്പില്നിന്ന് എയര് ഓപ്പറേറ്റര് സര്ട്ടിഫിക്കറ്റ് ലഭിച്ചതോടെ ജലവിമാന സര്വീസിനുള്ള സാങ്കേതിക കടമ്പകളും മറികടന്നു. ദ്വീപ് നിവാസികള്ക്കുള്ള ‘മുഹറം’ പെരുന്നാള് സമ്മാനമായാണ് ജലവിമാനം സര്വീസിനെ വിശേഷിപ്പിക്കുന്നത്.
രാജ്യത്തെ ആദ്യ വാണിജ്യാടിസ്ഥാനത്തിലുള്ളതും രാജ്യത്തെ ആദ്യ ജലവിമാന സര്വീസുമാണിത്.
ആദ്യഘട്ടത്തില് നെടുമ്പാശ്ശേരി വിമാനത്താവളത്തില് നിന്നും അഗത്തിയിലേയ്ക്ക് പ്രതിദിനം നാല് സര്വീസാണ് നടത്തുക. തുടര്ന്ന് ഘട്ടംഘട്ടമായി സര്വീസുകളുടെ എണ്ണം വര്ദ്ധിപ്പിക്കും. കൊച്ചിയില് നിന്ന് അഗത്തി, കല്പ്പേനി, കവരത്തി ദ്വീപിലേയ്ക്കുമായി രണ്ടു സെക്ടറിലായാണ് ജലവിമാനം സര്വീസുകള് നടത്തുക. 19 യാത്രക്കാരാണ് ഒരു യാത്രയില് സഞ്ചരിക്കുക. ഇതിനായി ട്വിന് ഒട്ടര് ജലവിമാനം കഴിഞ്ഞ മെയ് 13 മുതല് 20 വരെ പരീക്ഷണ പറക്കല് നടത്തിയിരുന്നു. ഒരു മണിക്കൂര് പത്ത് മിനിറ്റ് മുതല് ഒരുമണിക്കൂര് നാല്പത് മിനിറ്റുവരെയാണ് യാത്രാ സമയം കണക്കാക്കുന്നത്.
2019ല് കൊച്ചിയിലും 2020ല് ഗുജറാത്ത് സബര്മതിയിലും ജലവിമാനം സര്വീസ് തുടങ്ങാന് ശ്രമങ്ങള് നടത്തിയിരുന്നു. ലക്ഷദ്വീപിലെ വിനോദ സഞ്ചാര മേഖലയ്ക്ക് ജലവിമാന സര്വീസ് കുതിപ്പേകുമെന്നാണ് വിലയിരുത്തല്.
2030 ആവുന്നതോടെ വിനോദ സഞ്ചാര മേഖലയില് രാജ്യത്തെ എണ്പതോളം ജലാശയങ്ങളെ കേന്ദ്രീകരിച്ച് അമ്പതിലധികം ജലവിമാന റൂട്ടുകള് ഉഡാന് പദ്ധതിയിലൂടെ തയാറാക്കിയിട്ടുണ്ട്. 50- 100 ജലവിമാനങ്ങള് ഇതിനായി വേണ്ടിവരുമെന്നാണ് വ്യോമയാന വകുപ്പ് ചൂണ്ടിക്കാട്ടുന്നത്. ലക്ഷദ്വീപിലേയ്ക്ക് കൂടുതല് ജലവിമാന സര്വീസുകള്ക്കായി ഏജന്സികള് എത്തുമെന്നാണ് വിലയിരുത്തല്.
ജന്മഭൂമി ഓണ്ലൈന്