തിരുവനന്തപുരം: വട്ടിയൂര്‍ക്കാവിലെ കൗണ്‍സിലറായ ആര്‍. സുഗതനെതിരെ ജില്ലാ കളക്ടര്‍ കാപ്പ ചുമത്തിയിട്ടുണ്ടെങ്കില്‍ ആ പേപ്പര്‍ കാട്ടിത്തരൂ എന്ന മേയര്‍ വിവി രാജേഷിന്റെ ചോദ്യത്തിന് ഉത്തരം നല്‍കാന്‍ ഇതുവരെയും രമേശ് ചെന്നിത്തലയ്‌ക്ക് ആയിട്ടില്ല. സുഗതനെ അറസ്റ്റ് ചെയ്തതിനും അറസ്റ്റിനിടയില്‍ പൊലീസ് ആകാശത്തേക്ക് വെടിവെച്ചതിനും കയ്യടിച്ച രമേശ് ചെന്നിത്തലയ്‌ക്ക് കാപ്പ രേഖ മാധ്യമപ്രവര്‍ത്തകര്‍ക്ക് മുന്‍പില്‍ വെയ്‌ക്കാന്‍ കഴിയാത്തത് യുഡിഎഫിന് വലിയ തിരിച്ചടിയായിരിക്കുകയാണ്.ബിജെപി മേയറെ കടിച്ചുകീറാന്‍ നടക്കുന്ന മാധ്യമസിങ്കങ്ങള്‍ക്കും ഇതുവരെയും ഈ രേഖ കാണിക്കാന്‍ കഴിഞ്ഞിട്ടില്ല.
ഇതോടെ ആര്‍, സുഗതനെതിരെ കാപ്പ ചുമത്തിയിട്ടുണ്ടോ ഇല്ലയോ എന്ന കാര്യത്തില്‍ വ്യക്തതയില്ല. ഇനി കാപ്പ ചുമത്തണമെങ്കില്‍ അതിന് നിയമപരമായ നടപടിക്രമങ്ങള്‍ ഉണ്ടെന്നും ആ നടപടിക്രമങ്ങളുടെ പേപ്പര്‍ കാണിക്കൂ എന്നും മേയര്‍ രാജേഷ് മാധ്യമങ്ങളോട് ചോദിച്ചിരുന്നു. ഇതിന് മാധ്യമങ്ങള്‍ക്കും മറുപടിയില്ല. കാപ്പ കേസ് ചുമത്തിന് മുന്‍പ് സുഗതന് രേഖകള്‍ നല്‍കേണ്ടതുണ്ട്. ഇത് പ്രകാരം സുഗതന് വിശദീകരണം നല്‍കാന്‍ അവസരം നല‍്കേ
സുഗതനെ അറസ്റ്റ് ചെയ്യാന്‍ ആകാശത്തേക്ക് വെടിവെയ്‌ക്കേണ്ട സാഹചര്യം പൊലീസിന് ഉണ്ടായിരുന്നില്ലെന്ന വിവി രാജേഷിന്റെ വാദവും തള്ളിക്കളയാനാവില്ല. സുഗതന്, ഭാര്യ, രണ്ട് മക്കള്‍, ഒരു സ്റ്റാഫ് എന്നീ അഞ്ച് പേരാണ് വീട്ടിലുണ്ടായിരുന്നത്. ഈ സാഹചര്യത്തില്‍ പൊലീസിന് സുഗതനെ പിടിക്കാന്‍ ആകാശത്തേക്ക് വെടിവെയ്‌ക്കേണ്ട സാഹചര്യം ഇല്ലായിരുന്നു. പൊലീസ് സുഗതന്റെ ചെറിയ മകന് നേരെ തോക്ക് ചൂണ്ടിയിരുന്നു. വെടിവെച്ച പൊലീസ് ഉദ്യോഗസ്ഥനായ വിപിന്‍ദാസ്, വട്ടിയൂര്‍ക്കാവ് എസ് ഐ എന്നിവരുടെ പെരുമാറ്റത്തില്‍ ഞങ്ങള്‍ക്ക് നേരത്തെ തന്നെ പരാതിയുണ്ടായിരുന്നു. ഇവരെക്കുറിച്ച് കഴിഞ്ഞ പിണറായി സര്‍ക്കാരിന്റെ കാലത്ത് എഡിജിപി അന്വേഷണത്തിന് ഉത്തരവിട്ടിരുന്നു. വിപിന്‍ദാസ് ചെങ്ങന്നൂരില്‍ എസ് എച്ച് ഒ ആയിരുന്നപ്പോള്‍ കാട്ടിക്കൂട്ടിയ പരാമക്രങ്ങള്‍ എല്ലാവര്‍ക്കും അറിയാം.
ശബരിമലയില്‍ സ്ത്രീപ്രവേശനത്തിനെതിരെ സമരം ചെയ്ത തനിക്കെതിരെ 307ാം വകുപ്പ് പ്രകാരം വധശ്രമത്തിനാണ് കേസെടുത്തതെന്ന കാര്യം മേയര്‍ രാജേഷ് പറഞ്ഞപ്പോള്‍ മാധ്യമപ്രവര്‍ത്തകര്‍ക്ക് മൗനം മാത്രം.
