കൊച്ചി: ടിനി ടോമിനെതിരെ പൊലീസ് കേസ് രജിസ്റ്റര് ചെയ്തില്ലെങ്കില് കോടതിയെ സമീപിക്കുമെന്ന് നടി അന്സിബ ഹസന്.പൊലീസ് ആവശ്യപ്പെട്ടത് പ്രകാരം കടവന്ത്ര പൊലീസ് സ്റ്റേഷനില് എത്തി വിശദ മൊഴി നല്കി.
അപകീര്ത്തിപ്പെടുത്തലിന്റെ പരിധിയിലാണ് പരാതി നില്ക്കുന്നതെന്നാണ് പൊലീസ് പറഞ്ഞത്. ടിനി ടോം രാഷ്ട്രീയത്തില് സ്വാധീനമുള്ള വ്യക്തിയാണെന്നും നടി ചൂണ്ടിക്കാട്ടി. എന്നാല് സര്ക്കാരില് തനിക്ക് പൂര്ണ വിശ്വാസമുണ്ടെന്നും അന്സിബ പറഞ്ഞു.
ടിനി ടോം അപകീര്ത്തിപ്പെടുത്തുന്ന സന്ദേശം അയച്ചതിന്റെ തെളിവുകള് തന്റെ പക്കല് ഉണ്ട്. ഈ സന്ദേശം അയച്ചത് അമ്മ എക്സിക്യൂട്ടീവ് കമ്മിറ്റിയുടെ വാട്സാപ്പ് ഗ്രൂപ്പിലാണെന്നും അന്സിബ പറഞ്ഞു.
ടിനി ടോം ജിഹാദിയെന്ന് തന്നെ വിളിച്ചു. മതം മാറ്റാന് ശ്രമിച്ചെന്ന് ആരോപിച്ചു എന്നിങ്ങനെ അന്സിബ കുറ്റപ്പെടുത്തിയിരുന്നു.
