കൊല്ലം: കൊല്ലത്തെ നീണ്ടകരയില്‍ നിന്ന് രണ്ടു ബംഗ്ലാദേശികളെയും കൊട്ടാരക്കര കരിക്കം പ്രദേശത്ത് നിന്നും പത്ത് ബംഗ്ലാദേശികളെയും പിടികൂടി. മംതാസ് എന്ന സ്ത്രീയാണ് ഈ സംഘങ്ങളെ നയിക്കുന്നത് എന്ന് കണ്ടെത്തിയിട്ടുണ്ട്. ഇവര്‍ക്ക് ബംഗാളുമായും ബംഗ്ലാദേശുമായും ബന്ധമുണ്ട്.
കൊല്ലം ചവറ നീണ്ടകരയിലും രണ്ട് പേരെ പിടികൂടി. മേലന്‍ ഖാന്‍ (47), മുഗള്‍ ഖന്‍ഡാള്‍ (42) എന്നിവരെയാണ് പിടികൂടിയത്. ബംഗ്ലാദേശിലെ ധാക്കയില്‍ നിന്നുള്ളവരാണ് ഇവര്‍.
മിലിറ്ററി ഇന്‍റലിജന്‍സും ആന്‍റി ടെററിസ്റ്റ് സ്ക്വാഡും ചേര്‍ന്ന് നടത്തിയ അന്വേഷണത്തില്‍ നിന്നാണ് ഇവരെ പിടികൂടിയത്. ബംഗ്ലാദേശില്‍ നിന്നുള്ള പാസ്പോര്‍ട്ട് ഇവരുടെ കയ്യില്‍ ഉണ്ടായിരുന്നു. കേരളത്തിലെ തെരഞ്ഞെടുപ്പ് കമ്മീഷന്‍ നല‍്കിയ ഇലക്ടറല്‍ കാര്‍ഡ് ഉണ്ടായിരുന്നു. നീണ്ടകരയില്‍ ടീ സ്റ്റാള്‍ നടത്താന്‍ കൊല്ലം നഗരസഭ ഇവര്‍ക്ക് അംഗീകാര സര്‍ട്ടിഫിക്കറ്റ് വരെ നല്കിയിട്ടുണ്ട്.
ഇവര്‍ക്ക് കേരളത്തിലെ മേല്‍വിലാസത്തില്‍ ആധാര്‍കാര്‍ഡും റേഷന്‍ കാര്‍ഡും പാന്‍കാര്‍ഡും ഇവര്‍ക്ക് ഉണ്ടായിരുന്നു. ചില ഉദ്യോഗസ്ഥ ലോബിയുടെ സഹായത്തോടെയാണ് ഇവര്‍ രേഖകള്‍ സംഘടിപ്പിച്ചിട്ടുള്ളതെന്ന് കരുതുന്നു. എന്തായാലും ഇവരെ വോട്ട് ബാങ്ക് രാഷ്‌ട്രീയത്തിന് ഉപയോഗിക്കുകയാണെന്ന് കരുതുന്നു.
ഇടത് പാര്‍ട്ടികളാണോ കോണ്‍ഗ്രസാണോ അതോ മതപരിവര്‍ത്തനലോബിയാണോ ജമാ അത്തെ ഇസ്ലാമിയാണോ ഇതിന് പിന്നില്‍ എന്ന് സ്ഥിരീകരിച്ചിട്ടില്ല. എന്തായാലും ഇവരെ ബംഗ്ലാദേശിലേക്ക് തിരിച്ചയയ്‌ക്കും. സ്കാപ്പുകള്‍ കൂട്ടിയിട്ട ടെന്‍റുകളിലാണ് ഇവര്‍ താമസിക്കുന്നത്. ഇതിന് പതിനയ്യായിരം രൂപ വാടകക്കെട്ടിടമാണ്. ഇവരെയാണ് സ്ലീപ്പര്‍ സെല്ലായി തീവ്രവാദികള്‍ ഉപയോഗിക്കുന്നത്. ബംഗാളില്‍ പാകിസ്ഥാന്‍ ഭീകരവാദികള്‍ക്ക് നല‍്കിയിരുന്നതും ഇക്കൂട്ടരാണ്.
