തിരുവനന്തപുരം: എസ് എന് ഡി പി യോഗം ജനറല് സെക്രട്ടറി വെള്ളാപ്പള്ളിക്കെതിരെ സിപിഎം സംസ്ഥാന സമിതിയംഗം പി ജയരാജന്.വെള്ളാപ്പള്ളിയുടേത് രണ്ട് തോണിയില് കാല് വയ്ക്കുന്ന നിലപാടാണ്. എസ് എന് ഡി പിയുടെയും നവോഥാന സമിതിയുടെയും തലപ്പത്തുണ്ട് വെളളാപ്പളളി. മകന് ബി ഡി ജെ എസിലാണ്. സംഘപരിവാറിനൊപ്പം ആണ് അത്.ഭാര്യ ബിജെപി സ്ഥാനാര്ത്ഥികള്ക്ക് വേണ്ടി പ്രചാരണത്തിന് ഇറങ്ങുന്നു.
ശ്രീ നാരായണ ദര്ശനത്തിന് എതിരായ നിലപാടാണ് അതിന്റെ തലപ്പത്തിരിക്കുന്നവര് സ്വീകരിക്കുന്നത്. കെ എസ് ഇ എയുടെ സാംസ്കാരിക വിഭാഗമായ രചന സംഘടിപ്പിച്ച, ജയരാജന് എഴുതിയ സനാതനികളുടെ ഹിന്ദുത്വ വഴികള് എന്ന പുസ്തകത്തെ കുറിച്ചുള്ള പ്രഭാഷണത്തിലാണ് വിമര്ശനം.
വെള്ളാപ്പള്ളിയെ തള്ളിപ്പറയാത്തത് തെരഞ്ഞെടുപ്പ് തോല്വിക്ക് കാരണമായെന്ന് തെരഞ്ഞെടുപ്പ് തോല്വി വിലയിരുത്തിയുള്ള സെക്രട്ടേറിയറ്റ് റിപ്പോര്ട്ടില് സിപിഎം വിലയിരുത്തിയിരുന്നു. തളിപ്പറമ്പില് സ്ഥാനാര്ത്ഥിത്വം പിഴച്ചുവെന്നും റിപ്പോര്ട്ടിലുണ്ട്.യോഗി ആദിത്യനാഥിന്റെ സന്ദേശം വായിച്ചത് അയ്യപ്പസംഗമത്തിന്റെ ശോഭ കെടുത്തിയെന്നും റിപ്പോര്ട്ടില് പറയുന്നു.
