കൊച്ചി: നടന് ടിനി ടോമിന് എതിരായ പരാതിയില് പൊലീസ് നടി അന്സിബ ഹസനെ മൊഴിയെടുക്കാന് വിളിപ്പിച്ചു . കടവന്ത്ര സ്റ്റേഷനില് ചൊവ്വാഴ്ച എത്താനാണ് നിര്ദേശം.
ഈ മാസം ഒന്നാം തിയതിയാണ് ടിനി ടോമിനെതിരെ അന്സിബ പരാതി നല്കിയത്. മലയാള സിനിമയിലെ താരസംഘടന അമ്മയിലെ തര്ക്കങ്ങളുമായി ബന്ധപ്പെട്ടാണ് ടിനിക്കെതിരെ അന്സിബ ഹസന് പരാതി നല്കിയത്.
ടിനി ടോം തനിക്കെതിരെ തുടര്ച്ചയായി സൈബര് അധിക്ഷേപം നടത്തുന്നുവെന്നും വര്ഗീയ പരാമര്ശങ്ങള് നടത്തുന്നുവെന്നും അന്സിബ പരാതിയില് പറയുന്നു. തന്റെ കുടുംബത്തെയും വേട്ടയാടുന്നു. സ്ത്രീത്വത്തെ അപമാനിക്കുന്ന പെരുമാറ്റമാണ് നടന്റേതെന്നും അന്സിബയുടെ പരാതിയിലുണ്ട്.
