ന്യൂദല്ഹി: ജൂൺ 6 ന് ഡൽഹിയിലെ ജന്തർ മന്തറിൽ കോക്ക്രോച്ച് ജനതാ പാർട്ടി (സിജെപി) സംഘടിപ്പിച്ച പ്രകടനത്തിൽ പങ്കെടുത്തവരില് 93 പേരുടെ മൊബൈൽ ഫോണുകൾ മോഷ്ടിക്കപ്പെട്ടതായി റിപ്പോർട്ട്. ഇതോടെ സിജെപിയുടെ സമരവേദി പൊലീസ് സിസിടിവി ക്യാമറാ ദൃശ്യങ്ങളിലുടെ പരിശോധിക്കുകയാണ്.
യുവാക്കളുടെ കരുത്തിന്റെ പ്രതീകമായി വാഴ്ത്തപ്പെട്ട സിജെപിയുടെ സമരം ഇപ്പോള് മൊബൈല് ഫോണുകളുടെ മോഷണവേദിയായി മാറിയെന്ന ആരോപണമാണ് നേരിടുന്നത്. ഇക്കാര്യത്തില് പൊലീസ് അന്വേഷണം ഊര്ജ്ജിതമാക്കിയിട്ടുണ്ട്.. പലരും പരിപാടി കഴിഞ്ഞ് നോക്കുമ്പോഴാണ് മൊബൈലുകള് കാണാതായതായി കണ്ടെത്തിയത്. ഇതോടെ ഇവര് തൊട്ടടുത്ത് പൊലീസ് സ്റ്റേഷനില് പരാതിപ്പെട്ടു.
റാലിയ്ക്കിടെയാണ് മൊബൈല് ഫോണുകള് നഷ്ടമായതെന്ന് പലരും പറയുന്നു. പ്രതിഷേധത്തെക്കുറിച്ചുള്ള ചര്ച്ചകള്ക്ക് പകരം മൊബൈല് ഫോണ് മോഷണമാണ് ഇപ്പോള് ചര്ച്ചയെന്നറിയുന്നു. പാറ്റപ്പാര്ട്ടിയുടെ പ്രകടനത്തിന് വന്ന സമ്പന്നവീടുകളിലെ പല യുവാക്കളും മൊബൈല് നഷ്ടമായവരില് പെടുന്നു.
മോഷണം എങ്ങനെ നടന്നുവെന്ന് നിർണ്ണയിക്കാൻ അന്വേഷണ ഉദ്യോഗസ്ഥർ പ്രദേശത്തെ ലഭ്യമായ സിസിടിവി ദൃശ്യങ്ങൾ പരിശോധിക്കുകയും ഇരകളിൽ നിന്നും സാക്ഷികളിൽ നിന്നും മൊഴികൾ ശേഖരിക്കുകയും ചെയ്യുന്നുണ്ടെന്ന് പറയപ്പെടുന്നു. അസാധാരണമാംവിധം ഉയർന്ന പരാതികൾ കണക്കിലെടുത്ത്, തിരക്കേറിയ ജനക്കൂട്ടത്തെ ലക്ഷ്യം വച്ചുള്ള ഒരു സംഘടിത സംഘം സംഭവത്തിൽ ഉൾപ്പെട്ടിട്ടുണ്ടോ എന്നും അന്വേഷണ ഉദ്യോഗസ്ഥർ പരിശോധിക്കുന്നു.
വേദി വിട്ടതിനു ശേഷമാണ് തങ്ങളുടെ ഫോണുകൾ നഷ്ടപ്പെട്ടതായി മനസ്സിലായതെന്ന് അവകാശപ്പെട്ട് നിരവധി പങ്കാളികൾ പോസ്റ്റുകളും വീഡിയോകളും പങ്കിട്ടു. ഒരു പൊതുയോഗത്തിനിടെ ഇത്രയധികം മോഷണങ്ങൾ പെട്ടെന്ന് കണ്ടെത്താതെ എങ്ങനെ സംഭവിച്ചു എന്നതും പലരെയും അത്ഭുതപ്പെടുത്തുന്നു.
