മുള്ളന്‍പുര്‍: അഫ്ഗാനിസ്ഥാനെതിരായ ടെസ്റ്റിന്റെ ആദ്യ ദിനം ഭാരതം മികച്ച നിലയില്‍. ഒരു ദിവസം കൊണ്ട് മൂന്ന് വിക്കറ്റ് നഷ്ടത്തില്‍ 350നപ്പുറമുള്ള സ്‌കോറെത്തിക്കഴിഞ്ഞു. ഓപ്പണര്‍ കെ.എല്‍. രാഹുലും ക്യാപ്റ്റന്‍ ശുഭ്മന്‍ ഗില്ലിന്റെ അപരാജിത സെഞ്ചുറിയുമാണ് ഭാരത ഇന്നിങ്‌സിന് കരുത്തായത്. മത്സരം രണ്ടാം ദിവസത്തേക്ക് പിരിയുമ്പോള്‍ 85 ഓവറില്‍ മൂന്ന് വിക്കറ്റ് നഷ്ടത്തില്‍ നേടിയിരിക്കുന്നത് 368 റണ്‍സ്.
ടോസ് നേടിയ ഭാരത ക്യാപ്റ്റന്‍ ഗില്‍ ബാറ്റ് ചെയ്യാന്‍ തീരുമാനിച്ചു. യശസ്വി ജയ്‌സ്വാളിനെ(24) നേരത്തെ നഷ്ടപ്പെട്ടത് മാത്രമാണ് ഭാരതത്തിന് ഇന്നലെ നേരിട്ട തിരിച്ചടി. സെഞ്ചുറി നേടി രാഹുലിനൊപ്പം(100) സായി സുദര്‍ശന്‍ അര്‍ദ്ധ സെഞ്ചുറി പ്രകടനം(81) കാഴ്‌ച്ചവച്ചാണ് മടങ്ങിയത്. രണ്ടാം വിക്കറ്റില്‍ ഇരുവരും ചേര്‍ന്ന് 139 റണ്‍സെടുത്തു.
ഗില്ലുമൊത്ത് മൂന്നാം വിക്കറ്റില്‍ 67 റണ്‍സ് കൂട്ടിചേര്‍ത്തായിരുന്ന സെഞ്ചുറി തികച്ച ഉടനെയുള്ള രാഹുലിന്റെ പുറത്താകല്‍. പിന്നീട് ക്രീസിലെത്തിയ വിക്കറ്റ് കീപ്പര്‍ ബാറ്റര്‍ ഋഷഭ് പന്ത്(50) അര്‍ദ്ധസെഞ്ചുറി തികച്ച് ഗില്ലിനൊപ്പം പുറത്താകാതെ നില്‍ക്കുന്നുണ്ട്. 143 പന്തില്‍ 11 ബൗണ്ടറികളും ഒരു സിക്‌സറും സഹിതം 103 റണ്‍സെടുത്താണ് ഗില്‍ ക്രീസില്‍ തുടരുന്നത്. അഫ്ഗാനിസ്ഥാന് വേണ്ടി മുഹമ്മദ് സലിം സഫി രണ്ട് വിക്കറ്റും സുയോര്‍ റഹിം ഷരീഫി ഒന്നും വിക്കറ്റ് നേടിയിട്ടുണ്ട്.
