ന്യൂദല്ഹി: ജൂണ് ആറാം തീയതിയിലെ കോക്രോച്ച് ജനതാ പാര്ട്ടിയുടെ സമരപരിപാടികള് വിശദീകരിക്കുന്ന വാര്ത്താസമ്മേളനത്തില് പ്രധാന സിജെപി വക്താവായ സൗരവ് ദാസിന്റെ ഇടത്തും വലത്തുമായി രണ്ട് യുവാക്കള് ഇരുന്നിരുന്നു.ഇവരാണ് വിജേദ ദഹിയയും അശുതോഷ് രങ്കയും. ഇവര് രണ്ടു പേരുംകടുത്ത മോദി വിരുദ്ധരും ബിജെപി വിരുദ്ധരും ആണെന്നത് ഇവരുടെ ജീവചരിത്രം വെറുതെ ഒന്ന് കണ്ണോടിച്ചാല് മനസ്സിലാകും.
പ്രധാന വക്താവായ സൗരവ് ദാസിനൊപ്പം കഴിഞ്ഞ ദിവസം ഇവര് ഇരുവരും ജൂണ് ആറാം തീയതിയിലെ കോക്രോച്ച് ജനതാ പാര്ട്ടിയുടെ സമരപരിപാടികള് വിശദീകരിക്കുന്ന വാര്ത്താസമ്മേളനത്തില് പങ്കെടുത്തതോടെ ഇന്ത്യയാകെ എന്നതിനേക്കാള് ലോകമാകെ (കാരണം അമേരിക്കന് ഡീപ് സ്റ്റേറ്റിന്റെ കരുക്കളാണല്ലോ ഈ ചെറുപ്പക്കാര്) അറിയപ്പെട്ടു. പൊതുവേ എല്ലാ കോക്രോച്ച് ജനതാ പാര്ട്ടി നേതാക്കളിലും കാണുന്നതുപോലെ എന്ജിഒകളുമായി ചേര്ന്ന് പ്രവര്ത്തിച്ച പശ്ചാത്തലം ഇവര്ക്കുണ്ട്. . ആം ആദ്മി, മോദി വിരുദ്ധ ബിജെപി വിരുദ്ധ പ്ലാറ്റ് ഫോമുകളില് പ്രവര്ത്തിച്ചിട്ടുണ്ട് എല്ലാവരും.
വിജേദ ദഹിയ-ധ്രൂവ് റാഠിയുടെ എഴുത്തുകാരന്
ജര്മ്മനിയിലെ ബെര്ലിനില് കുത്തിയിരുന്ന് മോദിയ്ക്കെതിരായും കോണ്ഗ്രസിന് അനുകൂലമായും സ്ഥിരം വീഡിയോകള് പുറത്തിറക്കുന്ന ധ്രുവ് റാഠിയ്ക്ക് വീഡിയോകള് ഉണ്ടാക്കിക്കൊടുത്തിരുന്ന ചെറുപ്പക്കാരനാണ് കോക്രോച്ച് പാര്ട്ടി വക്താക്കളില് ഒരാളായ വിജേദ ദഹിയ. സമൂഹമാധ്യമങ്ങളില് രാഷ്ട്രീയ കണ്ടന്റുകള് ഉണ്ടാക്കുന്ന വ്യക്തിയാണ്. രാഷ്ട്രീയത്തില് ഗവേഷണം നടത്തിയിട്ടുണ്ട്.
അശുതോഷ് രങ്ക-അരവിന്ദ് കെജ്രിവാളിന്റെ പ്രവര്ത്തകന്
പഴയ ആം ആദ്മി പ്രവര്ത്തകനാണ്. ഐഐടി കാണ്പൂരിലും ലണ്ടന് സ്കൂള് ഇക്കണോമിക്സിലും പഠിച്ചു. വിദേശ പഠനം കഴിഞ്ഞ് ഇന്ത്യയില് വന്ന അശുതോഷ് രങ്ക ആം ആദ്മി പാര്ട്ടിയുമായി ബന്ധപ്പെട്ട് പ്രവര്ത്തിച്ചിരുന്നു. അതിന് മുന്പ് പരിസ്ഥിതി, വിദ്യാഭ്യാസം എന്നീ രംഗങ്ങളില് പ്രവര്ത്തിച്ചിരുന്നു.
