കോഴിക്കോട്: ഷിഗല്ല ബാധിച്ച് നാലരവയസുകാരി മരിച്ചു.കോഴിക്കോട് മെഡിക്കല് കോളേജ് ആശുപത്രിയില് ചികിത്സയിലായിരുന്ന നിള ആണ് മരിച്ചത്. തലക്കുളത്തൂര് സ്വദേശി ബബീഷിന്റെ മകളാണ്.
ചൊവ്വാഴ്ചയാണ് കുട്ടിയെ മെഡിക്കല് കോളേജ് ആശുപത്രിയില് പ്രവേശിപ്പിച്ചത്. ഇന്നലെയാണ് രോഗം സ്ഥിരീകരിച്ചത്. ചികിത്സയിലിരിക്കേ ഇന്ന് രാവിലെയാണ് മരണം സംഭവിച്ചത്.
വയറിളക്കമാണ് ഷിഗല്ലയുടെ പ്രധാന ലക്ഷണം. എന്നാല് ഇത് സാധാരണ വയറിളക്കത്തേക്കാള് ഗുരുതരമാണ്. രോഗ ലക്ഷണങ്ങള് ഗുരുതരാവസ്ഥയിലെത്തിയാല് അഞ്ച് വയസിന് താഴെ രോഗം പിടിപെട്ട കുട്ടികളിലും രോഗപ്രതിരോധ ശേഷി കുറഞ്ഞവരിലും മരണ സാധ്യത കൂടുതലാണ്.
