ന്യൂഡൽഹി ; ഇന്ത്യയിൽ ജെൻസി കലാപത്തിന് ആളെ കൂട്ടുന്ന സിജെപിയുടെ സ്ഥാപകനാണ് അഭിജിത് ദീപ്കെ . യുഎസിലിരുന്നാണ് സിജെപിയുടെ നീക്കങ്ങൾ അഭിജിത് ദീപ്കെ ആസൂത്രണം ചെയ്തിരുന്നത് . എന്നാൽ ഇപ്പോൾ യുഎസിൽ നിന്ന് അഭിജിത്തിന്റെ ഡീപോർട്ട് ചെയ്തുവെന്ന പ്രചാരണങ്ങളാണ് സോഷ്യൽ മീഡിയയിൽ വൈറലാകുന്നത് .
വിസ ദുരുപയോഗം ചെയ്തതിന്റെ പേരിൽ അഭിജിത്തിനെ യുഎസ് ഡീപോർട്ട് ചെയ്തുവെന്നാണ് ചിത്രമടക്കം സോഷ്യൽ മീഡിയയിൽ പ്രചരിക്കുന്നത്.വെള്ളിയാഴ്ച നടന്ന പത്രസമ്മേളനത്തിൽ, ദിപ്കെയെ നാടുകടത്തിയതായോ വിസ ദുരുപയോഗം ചെയ്തതായോ യുഎസ് അധികൃതർ എന്തെങ്കിലും വിവരങ്ങൾ പങ്കുവെച്ചിട്ടുണ്ടോ എന്ന് വിദേശകാര്യ മന്ത്രാലയ വക്താവ് രൺധീർ ജയ്സ്വാളിനോട് മാധ്യമങ്ങൾ ചോദിച്ചിരുന്നു. എന്നാൽ സർക്കാരിന് അത്തരമൊരു വിവരം ലഭിച്ചിട്ടില്ലെന്നായിരുന്നു വിദേശകാര്യ മന്ത്രാലയ വക്താവിന്റെ മറുപടി.
