ബംഗളൂരു: ‘ മനസ്സാക്ഷിക്ക് വിരുദ്ധമായി പ്രവര്ത്തിക്കാന് കഴിയില്ലെന്നും, അതിനാലാണ് രാജിവച്ചതെന്നും കര്ണ്ണാടകയിലെ ഡി കെ. മന്ത്രിസഭയില് നിന്ന് രാജിവച്ച മുതിര്ന്ന കോണ്ഗ്രസ് നേതാവ് ആര് രാമലിംഗ റെഡ്ഡി പറഞ്ഞു. ‘ഞാന് വീണ്ടും വീണ്ടും അപമാനിക്കപ്പെട്ടു, ഇനി അത് സഹിക്കാന് കഴിയില്ല,’ റെഡ്ഡി വികാരഭരിതനായി . നേരത്തെയുള്ള ധാരണയില് നിന്ന് ശിവകുമാര് പിന്തിരിഞ്ഞു . മന്ത്രി സ്ഥാനത്ത് നിന്ന് പിന്മാറിയെങ്കിലും എംഎല്എയായി തുടരുമെന്നും റെഡ്ഡി വ്യക്തമാക്കി.
‘എനിക്ക് ദേഷ്യമില്ല, നിരാശ മാത്രമാണ്’. രാജി മുഖ്യമന്ത്രിക്ക് നേരിട്ട് കൈമാറാതെ പേഴ്സണല് സെക്രട്ടറി വഴി മുഖ്യമന്ത്രിയുടെ ഓഫീസിലേക്ക് അയയ്ക്കുകയാണ് റെഡ്ഡി ചെയ്തത്. പുതുതായി രൂപീകരിച്ച മന്ത്രിസഭയിലെ വകുപ്പുവിഭജനത്തില് കര്ണാടക കോണ്ഗ്രസിലെ ചില വിഭാഗങ്ങള്ക്കിടയില് അതൃപ്തി പുകയുകയാണെന്ന റിപ്പോര്ട്ടുകള്ക്കിടെയാണ് റെഡ്ഡിയുടെ രാജി.
