തിരുവനന്തപുരം: പ്രതിപക്ഷനേതാവ് പിണറായി വിജയന്റെ മകള് വീണ വിജയന്റെ വീട്ടിലെ റെയ്ഡിനിടെ ഇ ഡി ഉദ്യോഗസ്ഥരെ സി പി എം പ്രവര്ത്തകര് ആക്രമിച്ച കേസ് പ്രത്യേക സംഘം അന്വേഷിക്കും. കന്റോണ്മെന്റ് എ സി പി യുടെ നേതൃത്വത്തിലുള്ള പ്രത്യേകസംഘത്തില് 30 ഓളം പൊലീസ് ഉദ്യോഗസ്ഥരുണ്ട്. നാല് എസ് എച്ച് ഒ മാാണ് സംഘത്തില് ഉളളത്.
ഇ ഡി ഉദ്യോഗസ്ഥരെ ആക്രമിച്ച കേസിലെ പ്രതികളുടെ വീടുകള് കഴിഞ്ഞ ദിവസം സിപിഎം നേതാക്കള് സന്ദര്ശിച്ചു. ആക്രമണം ആസൂത്രിതമാണെന്ന് ഇ ഡി ഉദ്യോഗസ്ഥര് പറഞ്ഞു. സിപിഎം നേതാക്കളുടെ പങ്ക് അന്വേഷിക്കണമെന്നാണ് ഇ ഡി നിലപാട്.
അതേസമയം, ഇ ഡി അന്വേഷണം തടയണമെന്ന് ആവശ്യപ്പെട്ട് സിഎംആര്എല് നല്കിയ അപ്പീലില് ഹൈക്കോടതി ഡിവിഷന് ബെഞ്ച് വെള്ളിയാഴ്ച വിധി പറയും. അതുവരെ സിഎംആര്എല്ലിനെതിരെ നടപടികള് പാടില്ലെന്നാണ് കോടതി നിര്ദേശം. ഹര്ജിയില് വീണ ടി ഉള്പ്പടെയുള്ളവര് കക്ഷിയല്ലാത്തതിനാല് അന്വേഷണം തുടരാമെങ്കിലും വെള്ളിയാഴ്ച വരെ കാത്തിരിക്കാനാണ് തീരുമാനം.
