അബുദാബി: സാമൂഹികമാധ്യമമായ ടിക് ടോക്കിലെ തര്ക്കം കൊലപാതകത്തില് കലാശിച്ചു. ഷാര്ജയില് നടന്ന കൊലപാതകത്തില് കണ്ണൂര് പഴയങ്ങാടി സ്വദേശി ഇസ്മായില് പൊന്നന്(40) ആണ് മരിച്ചത്. സംഭവത്തില് കൊല്ലം സ്വദേശി അടക്കം നാലുപേരെ ഷാര്ജ പൊലീസ് കസ്റ്റഡിയിലെടുത്തു.
ടിക് ടോക്കിലെ വെല്ലുവിളിക്ക് പിന്നാലെ പ്രതിയെ കാണാന് ഷാര്ജ അല് നഹ്ദയില് ഇസ്മായില് എത്തി എന്നാണ് സൂചന. പൊതുസ്ഥലത്തുവച്ച് ഇരുവരും തമ്മില് തര്ക്കമുണ്ടായത് കത്തിക്കുത്തില് കലാശിക്കുകയായിരുന്നു.ഇസ്മായില് സംഭവസ്ഥലത്തുവച്ചുതന്നെ മരിച്ചു.
ഇതിന്റെ ദൃശ്യങ്ങള് ഷാര്ജ പൊലീസിന് ലഭിച്ചിട്ടുണ്ട്. വര്ഷങ്ങളായി ദുബായില് ജോലി ചെയ്യുകയായിരുന്നു ഇസ്മായില്.ഭാര്യയും മക്കളും നാട്ടില്. അദ്ദേഹത്തിന്റെ സഹോദരന് ജുബൈറിനും ദുബായില് തന്നെയാണ് ജോലി.
ടിക് ടോക്കില് വെല്ലുവിളി നടത്തിയ കൊല്ലം സ്വദേശിയാണ് കേസിലെ മുഖ്യ പ്രതിയെന്നാണ് സൂചന. ഷാര്ജയിലെ ബുഹൈറ പൊലീസ് ആണ് തുടര്നടപടികള് സ്വീകരിച്ചത്. അല് ഖാസ്മിയ ആശുപത്രിയില് സൂക്ഷിച്ചിരിക്കുന്ന മൃതദേഹം നടപടികള് പൂര്ത്തിയാക്കി നാട്ടിലേക്ക് കൊണ്ടുപോകും.
