ബെംഗളൂരു:കര്ണാടക മുഖ്യമന്ത്രിയായി ഡി കെ ശിവകുമാര് ബുധനാഴ്ച സത്യപ്രതിജ്ഞ ചെയ്ത് അധികാരമേല്ക്കും.പതിനൊന്ന് മന്ത്രിമാരും നാളെ ചുമതലയേല്ക്കുമെന്നാണ് പുറത്തുവരുന്ന വിവരം. കോണ്ഗ്രസ് അധ്യക്ഷന് മല്ലികാര്ജുന് ഖര്ഗെയുടെ മകന് പ്രിയങ്ക് ഖര്ഗെയും മുഖ്യമന്ത്രി സ്ഥാനം ഒഴിഞ്ഞ സിദ്ധരാമയ്യയുടെ മകന് യതീന്ദ്ര സിദ്ധരാമയ്യയും പുതിയ മന്ത്രിസഭയില് ഇടംനേടും.
രണ്ട് മലയാളികളും മന്ത്രിസ്ഥാനം ഉറപ്പിച്ചിട്ടുണ്ടെന്നാണ് അറിയുന്നത്. പ്രമുഖ നേതാവ് കെ ജെ ജോര്ജ്, യു ടി ഖാദര് എന്നിവരാണ് മന്ത്രിസഭയിലെത്തുക. ഡി കെ ശിവകുമാറിനൊപ്പം സത്യപ്രതിജ്ഞ ചെയ്യുന്ന മന്ത്രിമാരുടെ പട്ടികയില് ജി പരമേശ്വര, സതീഷ് ജാര്ക്കിഹോളി, എം ബി പാട്ടീല്, ഈശ്വര് ഖന്ദ്രേ, രാമലിംഗ റെഡ്ഡി, ശിവരാജ് തങ്കടഗി, രൂപാ ശശിധര് എന്നിവരുമുണ്ട്.
ബുധനാഴ്ച വൈകിട്ടോടെ നടക്കുന്ന പ്രൗഢഗംഭീരമായ ചടങ്ങില് പുതിയ സര്ക്കാര് ഔദ്യോഗികമായി ഭരണം ഏറ്റെടുക്കും. ഈ മാസം 18 ന് രാജ്യസഭ തെരഞ്ഞെടുപ്പിന് ശേഷമാകും മന്ത്രിസഭ വികസനം.
