ന്യൂദല്ഹി: മിലിട്ടറി നഴ്സിംഗ് സര്വീസിന്റെ അഡീഷണല് ഡയറക്ടര് ജനറലായി പത്തനംതിട്ട സ്വദേശിനി മേജര് ജനറല് റേച്ചല് തോമസ് നിയമിതയായി. നാല് പതിറ്റാണ്ട് നീണ്ട സേവനത്തിന് ശേഷം മെയ് 31ന് വിരമിച്ച മേജര് ജനറല് ലിസമ്മയുടെ പിന്ഗാമിയായാണ് നിയമനം. ലിസമ്മ കോട്ടയം സ്വദേശിനിയാണ്.
പൂനെയിലെ പ്രശസ്തമായ കോളേജ് ഓഫ് നഴ്സിംഗ്, ആംഡ് ഫോഴ്സ് മെഡിക്കല് കോളേജ് എന്നിവിടങ്ങളില് പഠനം പൂര്ത്തിയാക്കിയ റേച്ചല് 1988 ജൂണ് 1 നാണ് മിലിട്ടറി നഴ്സിംഗ് സര്വീസില് ചേരുന്നത്. സായുധ സേന മെഡിക്കല് സര്വീസസിലെ പ്രമുഖ സൈനിക ആശുപത്രികളില് ക്ലിനിക്കല്, അഡ്മിനിസ്ട്രേറ്റീവ് പദവികള് വഹിച്ചിട്ടുണ്ട്.
