മട്ടാഞ്ചേരി: സംസ്ഥാനത്തെ ആദ്യ ഇംഗ്ലീഷ് മീഡിയം സ്‌കൂള്‍ സെന്റ് ഫ്രാന്‍സിസ് ചര്‍ച്ച് എല്‍പി സ്‌കൂള്‍ 220-ാം വയസിലേയ്‌ക്ക്. പഴമയിലും പുതുമയുടെ ശൈലിയില്‍ വിദ്യാലയാന്തരീക്ഷം മോടികൂട്ടി ഉയിര്‍ത്തെഴുന്നേല്പ്പിലാണിന്ന് സ്‌കൂള്‍. പൈതൃക നഗരി ഫോര്‍ട്ട്‌കൊച്ചിയില്‍ പഴമയും പാരമ്പര്യവും നിലനിര്‍ത്തി വിദ്യാര്‍ത്ഥികള്‍ക്കായുള്ള സൗകര്യങ്ങളൊരുക്കി 220 ാമത് ബാച്ചിനെയാണ് സ്‌കൂള്‍ പുതുവര്‍ഷത്തില്‍ വരവേല്ക്കുന്നത്.
1817 ല്‍ ബ്രിട്ടീഷ് സൈന്യാധിപന്മാരുടെയും ഉന്നതരുടെയും മക്കള്‍ക്ക് ഇംഗ്ലീഷ് ഭാഷാപഠനം ലക്ഷ്യമാക്കിയാണ് കേരളത്തിലെ ആദ്യഇംഗ്ലീഷ് മീഡിയം സ്‌കൂള്‍ കൊച്ചിയില്‍ തുടങ്ങിയത്. ബ്രിട്ടീഷ് ഈസ്റ്റ് ഇന്ത്യാ കമ്പനിയും ചര്‍ച്ച് ഓഫ് ഇംഗ്ല്ണ്ടും ചേര്‍ന്നുള്ള സഹായമാണ് വിദ്യാലയ നിര്‍മാണത്തിന് പ്രേരണയായത്.
ആദ്യ കാലത്ത് ബ്രിട്ടീഷുകാര്‍ മാത്രമായിരുന്നു അദ്ധ്യാപകര്‍. ഇവരുടെ പഠനത്തിന്‍കീഴില്‍ കൊച്ചി രാജകുടുംബത്തിലെ കുട്ടികളും പഠിച്ചിരുന്നു. പ്രാരംഭം മുതല്‍ സ്‌കൂളില്‍ പഠിപ്പി
ക്കുന്നവര്‍ക്ക് സ്‌കൂള്‍ വസ്ത്രം, പാഠപുസ്തകമടക്കമുള്ളവ സൗജന്യമായി നല്കുന്നതിനാല്‍ ‘ഫ്രീ’ സ്‌കൂള്‍ എന്നാണ് പഴമക്കാര്‍ ഇതിനെ വിളിച്ചിരുന്നത്. ഇന്നും ഈ സൗജന്യം തുടരുന്നുമുണ്ട്. വിദ്യാര്‍ത്ഥികള്‍ ഏറിയതോടെ 1868 ല്‍ വിദ്യാലയ നവീകരണവും നടത്തി.
ആദ്യഘട്ടങ്ങളില്‍ ഏഴാംതരം വരെ പഠനമുള്ള സ്‌കൂള്‍ 1947 ല്‍ മലയാളം ഭാഷ പഠനത്തിലായതോടെ സമീപ സ്‌കൂളുകളില്‍ നിന്നുള്ള വെല്ലുവിളികള്‍ നേരിട്ടു തുടങ്ങി. ഒപ്പം
സ്‌കൂള്‍ ഭരണം സിഎസ്എ സഭയ്‌ക്ക് കീഴിലുമായി. വിദ്യാര്‍ത്ഥികള്‍ കുറഞ്ഞതോടെ സ്‌കൂളില്‍ ക്ലാസുകളുടെ എണ്ണം കുറച്ച് നാലാം തരം വരെയാക്കി. 90 കള്‍വരെ മുന്‍നിരയിലായിരുന്ന സെന്റ് ഫ്രാന്‍സിസ് ചര്‍ച്ച് എല്‍പി സ്‌കൂള്‍ തുടര്‍ന്ന് സര്‍ക്കാര്‍ മാനദണ്ഡത്തില്‍ ലാഭകരമല്ലാത്ത പട്ടികയിലായതോടെ സ്ഥിരം അദ്ധ്യാപക നിയമന
വും നിലച്ചു. ഇതോടെ കുട്ടികളുടെ എണ്ണവും കുറഞ്ഞ് അടച്ച് പൂട്ടലിലായി. ആറ് ക്ലാസ് മുറികളും എല്‍കെജി മുതല്‍ നാലാം തരം വരെ പഠനമുള്ള സ്‌കൂള്‍ ഇന്ന് ഉയിര്‍ത്തേഴുന്നേല്‍ക്കുകയാണ്. ഒപ്പം പഴമയുടെ വിദ്യാലയവും നിലനില്പിലുമാകുന്നു.
ജന്മഭൂമി ഓണ്‍ലൈന്‍