കോഴിക്കോട്: മൂന്ന് വയസുകാരന് റിസോര്ട്ടിലെ സ്വിമ്മിംഗ് പൂളില് വീണ് മുങ്ങിമരിച്ചു. അരീക്കോട് പൂവത്തിക്കല് സ്വദേശി ആസിഫിന്റെ മകന് ഇവാന് ആസിഫ്(3) ആണ് മരിച്ചത്.
ഊര്ങ്ങാട്ടരി പഞ്ചായത്തിലെ കോന്നൂര്കണ്ടിയിലുള്ള ‘കൊക്കോ വില്ല’ റിസോര്ട്ടിലാണ് അപകടം. കഴിഞ്ഞ ദിവസം റിസോര്ട്ടില് എത്തിയ കുടുംബം ഞായറാഴ്ച മടങ്ങാനിരിക്കെയാണ് കുട്ടി മുങ്ങി മരിച്ചത്.
നീന്തല് കുളത്തില് വീണ നിലയില് കുട്ടിയെ കണ്ടെത്തിയ ഉടന് തന്നെ അരീക്കോട്ടെ സ്വകാര്യ ആശുപത്രിയില് എത്തിച്ചെങ്കിലും ജീവന് രക്ഷിക്കാനായില്ല.നിലവില് മൃതദേഹം അരീക്കോട്ടെ സ്വകാര്യ ആശുപത്രിയില്. കീഴുപറമ്പ് സ്വദേശികളുടെ ഉടമസ്ഥതയിലുള്ള റിസോര്ട്ടിലാണ് അപകടമുണ്ടായത്.
