തിരുവനന്തപുരം: ശക്തിയുടെ ഉറവിടമാണ്‌ മന്ത്രങ്ങള്‍. ശരീയായ രീതിയില്‍ ഉപയോഗിച്ചില്ലെങ്കില്‍ മന്ത്രങ്ങള്‍ അത്‌ ഉപയോഗിക്കുന്നവന്‌ വിപരീതഫലം ഉണ്ടാക്കും
വിദ്യ ലഭിക്കാന്‍ ഉപയോഗിക്കുന്ന ഒരു മന്ത്രത്തെക്കുറിച്ചാണ് ഇനി പറയാന്‍ പോകുന്നത്. പഠനത്തിൽ മികവ് നേടാനും, ഓർമ്മശക്തിയും ഏകാഗ്രതയും വർദ്ധിപ്പിക്കാനും വിദ്യാർത്ഥികൾ ജപിക്കേണ്ട ഏറ്റവും പ്രധാനപ്പെട്ട പ്രാർത്ഥനയാണ് വിദ്യാഗോപാല മന്ത്രം. ഈ മന്ത്രം ദിവസവും രാവിലെ ഭക്തിയോടെ ജപിക്കുന്നത് പരീക്ഷകളിലെ വിജയം സുനിശ്ചിതമാക്കാൻ സഹായിക്കും.
“കൃഷ്ണ കൃഷ്ണ ഹരേ കൃഷ്ണ സര്‍വജ്ഞ ത്വം പ്രസീദമേ
രമാ രമണ വിശ്വേശാ വിദ്യാമാശു പ്രയച്ഛമേ “
അർത്ഥം:
“പാപനാശിനിയും ലക്ഷ്മീപതിയും ലോകനാഥനും സര്‍വജ്ഞനുമായ അല്ലയോ കൃഷ്ണാ എനിക്ക് വേഗത്തില്‍ വിദ്യ നല്‍കിയാലും. ” വിദ്യാഭ്യാസപരമായ സകലവിധ പരിഹാരങ്ങള്‍ക്കും ഈ മന്ത്രം ജപിക്കാവുന്നതാണ്.
ജപിക്കേണ്ട വിധം:ദിവസവും രാവിലെ കുളിച്ച്, ശുദ്ധമായ വസ്ത്രം ധരിച്ച് നിലവിളക്കിന് മുന്നിലിരുന്ന് ജപിക്കുക.കുറഞ്ഞത് 11 തവണയോ 108 തവണയോ ജപിക്കുന്നത് ഉത്തമമാണ്.
