പാരീസ്: ഫ്രഞ്ച് ഓപ്പണ്‍ ടെന്നീസ് പുരുഷ സിംഗിള്‍സില്‍ ഒന്നാം സീഡ് താരം യാനിക് സിന്നര്‍ തകര്‍പ്പന്‍ ജയത്തോടെ തുടങ്ങി. ക്ലെമന്റ് ടാബുറിനെ നേരിട്ട ഇറ്റാലിയന്‍ താരം നേരിട്ടുള്ള സെറ്റിന്റെ അനായാസ ജയം നേടി രണ്ടാം റൗണ്ടില്‍ കടന്നു.
സ്‌കോര്‍ 6-1, 6-3, 6-4നായിരുന്നു സിന്നറുടെ വിജയം. ഇന്ന് തന്നെ രണ്ടാം റൗണ്ട് പോരാട്ടത്തിനിറങ്ങുന്ന സിന്നര്‍ അര്‍ജന്റീനയുടെ യുവാന്‍ മാനുവല്‍ സെറുന്‍ഡോളോയെ നേരിടും.
ഫ്രഞ്ച് ഓപ്പണ്‍ ടെന്നിസില്‍ രണ്ടാം റൗണ്ട് മത്സരങ്ങളും ആരംങഇച്ചിരുന്നു. ഓസ്‌ട്രേലിന്‍ താരം അലെക്‌സ് ഡി മിനോറിന് മൂന്നാം റൗണ്ടിലേക്ക് വാക്കോവര്‍ ലഭിച്ചു. അലെക്‌സാണഅ#ര്‍ ബ്ലോക്‌സ് പിന്‍മാറിയതിനെ തുടര്‍ന്നാണ് ഡി മിനോര്‍ വാക്കോവറോടെ മൂന്നാം റൗണ്ടില്‍ പ്രവേശിച്ചത്.
നേരിട്ടുള്ള സെറ്റ് വിജയത്തോടെ ജെസ്പര്‍ ഡി ജോങ് മൂന്നാം റൗണ്ടിലേക്ക് കുതിച്ചു. ഫെഡറിക്കോ കിനയെ ആണ് തോല്‍പ്പിച്ചത്.
വനിതാ സിംഗിള്‍സ് പോരാട്ടത്തില്‍ ഇഗ സ്വായിടെക് നേരിട്ടുള്ള സെറ്റ് വിജയത്തോടെ മൂന്നാം റൗണ്ടില്‍ പ്രവേശിച്ചു. രണ്ടാം റൗണ്ടില്‍ സ്‌കോര്‍ 6-2, 6-3ന് സാറാ ബെയ്‌ലെക്കിനെ ആണ് തോല്‍പ്പിച്ചത്. മറ്റ് വനിതാ സിംഗിള്‍സ് പോരാട്ടങ്ങളില്‍ മാരീ ബുസ്‌കോവ, വിക്ടോറിയ ഗോബുലിക്, പെയ്‌ടോണ്‍ സ്‌റ്റേണ്‍സ്, എലീന സ്വിറ്റോലിന എന്നിവരും മൂന്നാം റൗണ്ടിലേക്ക് മുന്നേറി.
