ചെന്നൈ: തമിഴ്നാട്ടില് ഗോവധം പൂര്ണമായി നിരോധിച്ച് ഉത്തരവ് പുറപ്പെടുവിച്ച് ഹൈക്കോടതി.ബക്രീദിന് പൊതു ഇടങ്ങളില് കന്നുകാലി കശാപ്പ് അനുവദിക്കരുതെന്ന് ആവശ്യപ്പെട്ട് നല്കിയ ഹര്ജിയിലാണ് ഉത്തരവ്.
ബക്രീദിന് മാത്രമല്ല ഒരു ദിവസവും ഗോവധം പാടില്ലന്ന് ഉത്തരവില് പറയുന്നു.ഉത്തരവ് ലംഘിക്കപ്പെടില്ലെന്ന് ചീഫ് സെക്രട്ടറിയും ക്രമസമാധാന ചുമതലയുള്ള എഡിജിപിയും ഉറപ്പാക്കണമെന്നും കോടതി നിര്ദേശിച്ചു. ജസ്റ്റിസ് ജി.ആര്. സ്വാമിനാഥന്റെ ബഞ്ചാണ് ഉത്തരവ് പുറപ്പെടുവിച്ചത്.ശ്രീകൃഷ്ണന്റെ കാലം മുതല് പശുവിനെ ആരാധിക്കുന്നു. പല മുസ്ലിം രാജാക്കന്മാരും ഗോവധം നിരോധിച്ചിട്ടുണ്ട്. പശുവിനെ സംരക്ഷിക്കണം എന്ന് ഗാന്ധിജിയും പറഞ്ഞിട്ടുണ്ട്.
പശുവിനെ പൂജിക്കേണ്ടതാണെന്ന് ഭരണഘടനാ നിര്മാണസഭയില് ചര്ച്ച ഉണ്ടായെന്ന് കോടതി പറഞ്ഞു. അധികൃതര് അംഗീകരിച്ച സ്ഥലത്ത് അല്ലാതെ പൊതു ഇടങ്ങളില് ബക്രീദിന് കന്നുകാലി കശാപ്പ് അനുവദിക്കരുതെന്ന് ആവശ്യപ്പെട്ട് ഹിന്ദു മക്കള് കക്ഷി നേതാവ് നല്കിയ ഹര്ജി പരിഗണിച്ചാണ് ഉത്തരവ്.
