ആലപ്പുഴ: നവകേരള യാത്രയ്ക്കിടെ മുന് മുഖ്യമന്ത്രി പിണറായി വിജയന്റെ ഗണ്മാന്മാര് യൂത്ത് കോണ്ഗ്രസ് നേതാക്കളെ മര്ദ്ദിച്ചതിനെ ന്യായീകരിച്ച് സിപിഎം നേതാവ് ഇ പി ജയരാജന്. മുഖ്യമന്ത്രിയെ സംരക്ഷിക്കേണ്ട ഉത്തരവാദിത്തം അദ്ദേഹത്തിന്റെ ഗണ്മാന് ഉള്പ്പെടെയുള്ള അംഗരക്ഷകര്ക്കുണ്ട്. അവര് ചെയ്തത് ഔദ്യോഗിക ജോലിയാണെന്ന് ഇ പി ജയരാജന് പറഞ്ഞു.
ആറുപേരെ വെടിവെച്ച് കൊന്നതിനേക്കാള് വലിയ സംഭവമൊന്നുമല്ലല്ലോ ഇത്. അധികാരത്തില് വന്നിട്ടുള്ളവര്ക്ക് അവര്ക്കു വേണ്ടിയുള്ള വ്യാഖ്യാനങ്ങള് നടത്താമെന്നും ഇ പി ജയരാജന് പറഞ്ഞു.
അക്രമ സംഭവങ്ങളെ ന്യായീകരിക്കാനും അക്രമികളെ രക്ഷിക്കാനുമാണ് യുഡിഎഫ് ശ്രമം. മുമ്പ് അക്രമങ്ങള് ആസൂത്രണം ചെയ്ത പലരും ഇപ്പോള് മന്ത്രിമാര് ആയിരിക്കാം.ഇത്തരം നടപടികള് അധികാര ദുര്വിനിയോഗത്തിന്റെ ഭാഗമാണ്. ഇതെല്ലാം ജനങ്ങള് കാണുന്നുണ്ട്.എല്ഡിഎഫ് സര്ക്കാര് ശരിയായ രീതിയില് തന്നെയാണ് കാര്യങ്ങള് കൈകാര്യം ചെയ്തതെന്നും മാധ്യമങ്ങളെ ഉപയോഗിച്ച് എല്ലാ അതിര്ത്തികളും ലംഘിച്ചുകൊണ്ടുള്ള പ്രചരണമാണ് ഇപ്പോള് നടക്കുന്നതെന്നും ഇ പി ജയരാജന് പറഞ്ഞു.
