ജ്യോതിഷം, ക്ഷുദ്രകര്മ്മങ്ങള്, ഭിക്ഷാടനം, മുത്തശ്ശന്, മുത്തശ്ശി, രക്തം, മദ്യം, മാംസം, വര്ഗീയ ചിന്ത, സംന്യാസം, ഗൂഢശാസ്ത്ര താല്പ്പര്യം, ജപ്തി, മുറിവുകള്, പാ
ടുകള്, മയക്കുമരുന്നുപയോഗം, അഗ്നിയും അഗ്നിയാലുള്ള അപകടങ്ങളും തുടങ്ങിയവയൊക്ക ചിന്തിക്കേണ്ടത് കേതുവിനെക്കൊണ്ടാണ്. ജാതകവശാല് കേതു ദുര്ബ്ബലനായാല് വിവേചന ശക്തിയും ദീര്ഘവീക്ഷണവും കുറയും. ഏറ്റെടുത്ത പ്രവൃത്തി വിജയിപ്പിക്കാനാവുമോ എന്ന സന്ദേഹം അത്തരക്കാരെ അലട്ടും. ഏകാഗ്രത തീരെയില്ലാത്ത കൂട്ടരാവും അവര്. സ്വന്തമായി വാഹനങ്ങളുണ്ടെങ്കിലും അന്യന്റെ വാഹനം ഉപയോഗിക്കാനാണ് ഇക്കൂട്ടര്ക്കു താല്പ്പര്യം. അന്യ വീട്ടില് ചെന്നാല് സ്വന്തം വീട്ടിലേക്കാള് സ്വാതന്ത്ര്യമെടുത്തു പെരുമാറുന്നതും ഇത്തരക്കാരുടെ പ്രത്യേകതയാണ്. കേതു ദുര്ബ്ബലരായവര്ക്ക് ഉദരസംബന്ധമായ അസുഖങ്ങള്ക്ക് സാധ്യത ഏറെയാണ്. പ്രത്യേകിച്ചും അള്സറിന്. കേതു ദുര്ബ്ബലനായവരുടെ രോഗമേതെന്ന് കൃത്യമായി നിര്ണ്ണയിക്കാന് പലപ്പോഴും ഭിഷഗ്വരന്മാര്ക്കും കഴിയില്ല. തണുപ്പുള്ളപ്പോഴും ഉഷ്ണത്തെക്കുറിച്ച് ഇവര് പരാതി പറയും. പ്രവൃത്തികളിലെല്ലാം ഒരുതരം രഹസ്യാത്മകത നിലനില്ക്കും.
ജാതകത്തില് 6, 8, 12 എന്നീ ഭാവങ്ങളില് കേതു നില്ക്കുക, ശനിയുമായോ, ചൊ
വ്വയുമായോ യോഗം ചെയ്യുക, കേതു നില്ക്കുന്ന രാശിനാഥന് ബലഹാനിയുണ്ടാവുക, പൂയം, അനിഴം, ഉത്തൃട്ടാതി, തിരുവാതിര, ചോതി, ചതയം, രോഹിണി, അത്തം, തിരുവോണം എന്നീ നക്ഷത്രങ്ങളില് ജനിക്കുക ഇങ്ങനെയുളളവര്ക്ക് കേതുര്ദശാകാലവും അപഹാരകാലവും ദോഷപ്രദമായിരിക്കും. എന്നാല് ഒരു വ്യക്തിയുടെ ജാതകത്തില് പന്ത്രണ്ടില് കേതുവുണ്ടെങ്കില് അയാള് മോക്ഷപ്രാപ്തിക്കര്ഹനായ പുണ്യാത്മാവാണെന്നു കരുതണം. എള്ളില, മുത്തങ്ങ, ചിറ്റമൃത്, കസ്തൂരി, പാച്ചോറ്റിത്തൊലി, ദര്ഭ ഇവയിട്ടുതിളപ്പിച്ച വെള്ളത്തില് ജന്മനക്ഷത്രത്തിലോ, അശ്വതി, മകം, മൂലം നക്ഷത്രങ്ങളിലോ സ്നാനം ചെയ്യുക, കറുപ്പും ചുവപ്പും വസ്ത്രങ്ങള് ഉപയോഗിക്കുക, വൈഡൂര്യമോതിരം ധരിക്കുക, കേതുയന്ത്രം ധരിക്കുക എന്നിവയെല്ലാം ദോഷശാന്തിക്ക് ഉതകുന്നതാണ്. എന്നാല് കടുത്ത തലവേദനയുള്ളവരും, അള്സര് രോഗികളും വൈഡൂര്യം ധരിക്കുന്നത് ഒഴിവാക്കണം.
