ഒസ്ലോ: ഫിഫ ലോകകപ്പ് 2026ലെ കറുത്ത കുതിരകളാകാനൊരുങ്ങിയ നോര്വേ ടീം. ഇംഗ്ലീഷ് പ്രീമിയര് ലീഗ് കിരീടത്തില് മുത്തമിട്ട ആഴ്സണല് നായകന് മാര്ട്ടിന് ഒഡേഗാര്ഡ് ടീമിനെ നയിക്കും. ചുരുങ്ങിയ കാലംകൊണ്ട് ഗോളടിയന്ത്രമായി നിറഞ്ഞാടിയ മാഞ്ചസ്റ്റര് സിറ്റിയുടെ സൂപ്പര് താരം എര്ലിങ് ഹാളണ്ട്, അത്ലറ്റിക്കോ മാഡ്രിഡ് സ്ട്രൈക്കര് അലെക്സാണ്ടര് സൊര്ലൊത്ത് എന്നിവര് അണി ചേരുമ്പോള് താര സമ്പന്നമാകുകയാണ് ടീം.
ഇവരെ കൂടാതെ ജര്മന് ടീം ബൊറൂസിയ ഡോര്ട്ട് മുണ്ട് പ്രതിരോധ താരം ഹൂലിയന് റിയേഴ്സണ് നയിക്കുന്ന പ്രതിരോധ നിര. ഗോള് വല കാക്കാന് മുന്നിലുള്ള ഒര്യാന് ഹാസ്ക്യോള്ഡ് നൈലാന്ഡ് എന്നിവരും ഈ സുവര്ണ നിരയുടെ ഭാഗമാകുന്നു. സ്പാനിഷ് ക്ലബ്ബ് സെവിയ്യ കാവല്ക്കാരനാണ് നൈലാന്ഡ്. ഇത്രയുമൊക്ക താരനിര അണിനിരക്കുന്നുണ്ടെങ്കിലും 28 വര്ഷത്തെ ഇടവേളയ്ക്ക് ശേഷം നോര്വേയെ ലോകകപ്പിന് യോഗ്യരാക്കിയത് കോച്ച് സ്റ്റെയ്ല് സോള്ബാക്കന് ആണ്. ഇതിന് മുമ്പ് 1998 ഫ്രഞ്ച് ലോകകപ്പിലാണ് നോര്വേ കളിച്ചിട്ടുള്ളത്. ഇക്കുറി ഹാളണ്ടും ഒഡേഗാര്ഡും ഉള്പ്പെടുന്ന ടീം ഏറ്റവും കൂടതല് ഗോളുകള് നേടിക്കൊണ്ടാണ് യുവേഫയില് നിന്നും വളരേ വേഗം യോഗ്യത നേടിയത്.
നോര്വേ ടീം
ഗോള്കീപ്പര്മാര്: ഒര്യാന് ഹാസ്ക്യോള്ഡ് നൈലാന്ഡ്, എഗില് സെല്വിക്, സാന്ഡര്, ടാങ്വിക്
പ്രതിരോധ നിര: ഹൂലിയന് റ്യേഴ്സണ്, മാര്കസ് ഹോംഗ്രെന് പെഡേഴ്സണ്, ഡേവിഡ് മോളര് വോള്ഫെ, ഫ്രെഡ്രിക് ബ്യോര്കന്, ക്രിസ്റ്റഫര് അജേര്, ടോര്ബ്യോണ് ഹെഗ്ഗെം, ലിയോ സ്ക്കിരി ഓസ്റ്റിഗാര്ഡ്, സോന്ഡ്രെ ലാംഗാസ്, ഹെന്റിക്ക് ഫാള്ച്ചനര്
മദ്ധ്യനിര: മാര്ട്ടിന് ഒഡേഗാര്ഡ്, സാന്ഡര് ബെര്ഗെ, ഫ്രെഡ്രിക് ഓഴ്സനെസ്, പാട്രിക് ബെര്ഗ്, ക്രിസ്റ്റ്യന് തോഴ്സ്റ്റ്വെഡ്റ്റ്, മോര്ട്ടന് തോഴ്സ്ബി, തെലോ ആഗ്ഗാര്ഡ്
മുന്നേറ്റനിര: എര്ലിങ് ഹാളണ്ട്, അലക്സാണ്ടര് സൊര്ലോത്ത്, യോര്ഗന് സ്ട്രാന്റ് ലാഴ്സന്, ആന്റോണിയോ നൂസ, ഒസ്കാര് ബോബ്, ആന്ഡ്രിയാസ് ഷെല്ഡെറപ്പ്, ജെന്സ് പെറ്റെര് ഹോജ്
