തിരുവനന്തപുരം: രാജ്യമാകെ പാറ്റകള് പറക്കുന്നു എന്ന് പറഞ്ഞ് കേരളത്തിലെ മലയാള മനോരമ പത്രം കോക് റോച്ച് ജനതാ പാര്ട്ടിയെക്കുറിച്ചുള്ള വാര്ത്തകള് കൊട്ടിഘോഷിക്കുകയാണ്. സുപ്രീംകോടതി ചീഫ് ജസ്റ്റിസ് പറഞ്ഞ വാചകത്തെ ദുര്വ്യാഖ്യാനം ചെയ്ത് യുവാക്കളെ പാറ്റകള് എന്ന് വിളിച്ചുവെന്ന നുണക്കഥയുണ്ടാക്കിയാണ് കോക് റോച്ച് ജനതാ പാര്ട്ടി രൂപീകരിച്ചതുതന്നെ. അമേരിക്കയില് ഇരുന്ന് ഈ ഓണ്ലൈന് പാര്ട്ടി രൂപീകരിച്ചതുതന്നെ അഭിജിത് ദീപ് കെ ആം ആദ്മി പാര്ട്ടിക്കാരനാണെന്ന് വെളിപ്പെട്ടുകഴിഞ്ഞു. നീറ്റ് പരീക്ഷാപേപ്പര് ചോര്ച്ചയുടെ പേരില് ജെന്സീ തലമുറയോട് കലാപമുണ്ടാക്കാന് അരവിന്ദ് കെജ്രിവാള് ഒരാഴ്ച മുന്പ് ആഹ്വാനം ചെയ്തെങ്കിലും ഒരു ജെന്സിയും സമരത്തിന് ഇറങ്ങിയില്ല.
ഇതിന്റെ രണ്ടാം ഘട്ടമാണ് കോക് റോച്ച് ജനതാ പാര്ട്ടിയിലൂടെ കെജ്രിവാളും കൂട്ടരും സംഘടിപ്പിക്കാന് ശ്രമിക്കുന്തന്. ഇതിന് ഇപ്പോള് ഓണ്ലൈന് ഒപ്പു ശേഖരണം നടന്നുകൊണ്ടിരിക്കുകയാണ്. മോദി വിരുദ്ധ മാധ്യമങ്ങല് സിജെപി എന്ന കോക് റോച്ച് ജനതാ പാര്ട്ടിയുടെ ഓരോ നീക്കങ്ങളും ആഹ്ളാദത്തോടെ കൊട്ടിഘോഷിക്കുകയാണ്. ആ സംഘത്തില് കേരളത്തില് മുന്പന്തിയില് നില്ക്കുന്നത് രണ്ട് പത്രങ്ങളാണ്. മലയാള മനോരമയും മാധ്യമവും.
അരക്കിട്ടുറപ്പിച്ചു എന്ന് കരുതുന്ന അധികാരക്കസേരകളെ അലോസരപ്പെടുത്തും വിധം അതിവേഗം പെരുകുന്ന പാറ്റകളാണ് ഇന്ത്യയിലെ പുതിയ ചര്ച്ചാവിഷയം എന്ന് മനോരമ പറയുമ്പോള് ലക്ഷ്യം വ്യക്തം. മോദിയുടെ അധികാരക്കസേര പാറ്റകള് കാരണം ഇളകുന്നു എന്നാണ് ഇവര് അര്ത്ഥമാക്കുന്നത്. പക്ഷെ വെറും ഓണ്ലൈനില് നടക്കുന്ന ഒരു കോലാഹലത്തെ, ഇന്ത്യയുടെ വേരുകളില് യാതൊരു ചലനവുമുണ്ടാക്കാത്ത ഒരു സംഭവത്തെയാണ് മനോരമ കൊട്ടിഘോഷിക്കുന്നത്. ഇതോടെ മനോരമ കൃത്യമായി പക്ഷം പിടിച്ചിരിക്കുന്നു. മോദി വിരുദ്ധരാഷ്ട്രീയമാണ് തങ്ങളുടെ മുഖ്യ അജണ്ടയെന്ന അറിയിപ്പിാണ് മനോരമ നടത്തുന്നത്.
